Okumugwem gaalek ore utoon̄-ejit
Ijeen̄-inu kè Debit. Uriaak Debit oriaakbe mgbọ îkupbe me emen udọn̄.
142
Ǹsa ida n̄a itaan̄ ukpo igwen Okumugwem;ida n̄a ke nsa ibeek ọmọ mbeek.
2 Nnina lek inu òkirọ emi inyi Okumugwem;
ntumu uyọrọlek n̄a isibi me isi kan̄.
3 Mgbọ îyọtbe igak emi,
nkayakage ìriọọn̄ inu geege mbarọ,
owu oriọọn̄ inu marọbe;
ebi ochicha mîlet ufe me oniin̄ nkije.
4 Yaka isi da agan̄ ulom n̄a, mè kpọ,
kpunu ogwu òkaan̄ ulọk me lek n̄a;
kpunu ere geege nlibibe inin̄ ilet lek;
ene geege ìkado inu ofolek n̄a.
5 Eya ke ntaan̄ ukpo igwen owu Okumugwem ibe,
ke îre owu ke ntap ibot me irak, ibe owu òbem emi;
ǹkakaan̄ inu geege me linyọn̄ keyi, ilọ me lek kwun̄.
6 Gban̄ utọn̄ me lek ukpo nkibọn̄;
efuuk îta emi me owot;
nyan̄a emi sibi me ubọk ebi ìkililaba emi,
mije, ubọk kiban̄ înye igak eyi n̄a.
7 Tọn̄ọ emi mkpọn me ukot, inyi mâtọn̄ owu;
ebi ata irọrọ mêgban ikana emi mgbọ mâkinyi owu itọn̄,
mije ke owu orọ inu inwọn emi me lek.