Imumechieen̄ Okumugwem ìkakaan̄ itata
136
Ìtọn̄ Okumugwem, ke ọmọ înwọn enenen;mije, imumechieen̄ kan̄ ìbabia ire mgbọ geelek!
2 Ìtọn̄ ọmọ, Awaji ogwu ògak otutuuk awaji geelek;
mije, imumechieen̄ kan̄ ìbabia ire mgbọ geelek!
3 Ìtọn̄ ọmọ ogwu òre Òkaan̄ ebikaan̄-ene geelek;
mije, imumechieen̄ kan̄ ìbabia ire mgbọ geelek!
4 Ìtọn̄ ọmọ ogwu ọmọ gaalek okirọ ikpele uyeke inu;
mije, imumechieen̄ kan̄ ìbabia ire mgbọ geelek!
5 Ìtọn̄ ọmọ ogwu òsa me iriọọn̄-inu irom akpabin;
mije, imumechieen̄ kan̄ ìbabia ire mgbọ geelek!
6 Ìtọn̄ ọmọ ogwu òsun̄ ijọn̄ ikana me inyọn̄ isi mun̄;
mije, imumechieen̄ kan̄ ìbabia ire mgbọ geelek!
7 Ìtọn̄ ọmọ ogwu òrom ikpele inu òkinyi utoon̄;
mije, imumechieen̄ kan̄ ìbabia ire mgbọ geelek!
8 Ìtọn̄ ọmọ ogwu òsun̄ ura ibe ikinyi utoon̄ me ikarek;
mije, imumechieen̄ kan̄ ìbabia ire mgbọ geelek!
9 Ìtọn̄ ọmọ ogwu òsun̄ onyan̄ mè ntoronyan̄
ibe ekenyi utoon̄ me eririeen̄;
mije, imumechieen̄ kan̄ ìbabia ire mgbọ geelek!
10 Ìtọn̄ ọmọ ogwu òkpan̄ adasi
owot bọn ebi Ijipiti isan̄a kpai;
mije, imumechieen̄ kan̄ ìbabia ire mgbọ geelek!
11 Ìtọn̄ ọmọ ogwu òsan̄a ebi Ijeren isibi me Ijipiti;
mije, imumechieen̄ kan̄ ìbabia ire mgbọ geelek!
12 Ìtọn̄ ọmọ ogwu òsa unye ubọk kan̄ melek ikpele unye kan̄
itaba ema isibi;
mije, imumechieen̄ kan̄ ìbabia ire mgbọ geelek!
13 Ìtọn̄ ọmọ ogwu òtọbọ mun̄
okwaan̄ Anyiaan̄ ibum iba;
mije, imumechieen̄ kan̄ ìbabia ire mgbọ geelek!
14 Ìtọn̄ ọmọ ogwu òsa ebi Ijeren ije itibi ejit okwaan̄ ya;
mije, imumechieen̄ kan̄ ìbabia ire mgbọ geelek!
15 Ìtọn̄ ọmọ ogwu òfiin̄ ogwu Fero melek urum akọn̄ kan̄
me okwaan̄ Anyiaan̄;
mije, imumechieen̄ kan̄ ìbabia ire mgbọ geelek!
16 Ìtọn̄ ọmọ ogwu òsa ebi kan̄ ije itibi emen èwê;
mije, imumechieen̄ kan̄ ìbabia ire mgbọ geelek!
17 Ìtọn̄ ọmọ ogwu òkpan̄ ebi ubọọn̄ ilile;
mije, imumechieen̄ kan̄ ìbabia ire mgbọ geelek!
18 Ìtọn̄ ọmọ ogwu òkpan̄ ebi ubọọn̄ cha ìkitaan̄ etip;
mije, imumechieen̄ kan̄ ìbabia ire mgbọ geelek!
19 Ìtọn̄ ọmọ ogwu òkpan̄ Siyon, ogwu ubọọn̄ ebi Amọ;
mije, imumechieen̄ kan̄ ìbabia ire mgbọ geelek!
20 Ìtọn̄ ọmọ ogwu òkpan̄ Ôgu, ogwu ubọọn̄ ebi ido Basan;
mije, imumechieen̄ kan̄ ìbabia ire mgbọ geelek!
21 Ìtọn̄ ọmọ ogwu òsa ijọn̄ ebi ubọọn̄ chi inyi me ìrot;
mije, imumechieen̄ kan̄ ìbabia ire mgbọ geelek!
22 Ìtọn̄ ọmọ ogwu òsa ijọn̄ cha inyi ebi Ijeren bọn ikwaan̄ kan̄
me ìrot;
mije, imumechieen̄ kan̄ ìbabia ire mgbọ geelek!
23 Ìtọn̄ ọmọ ogwu òkeek eji me ijo irek kiji;
mije, imumechieen̄ kan̄ ìbabia ire mgbọ geelek!
24 Ìtọn̄ ọmọ ogwu ònyan̄a eji isibi me ubọk ebi ochicha kiji;
mije, imumechieen̄ kan̄ ìbabia ire mgbọ geelek!
25 Ìtọn̄ ọmọ ogwu òkinyi
inu geelek òkifuuk efuuk inorie;
mije, imumechieen̄ kan̄ ìbabia ire mgbọ geelek!
26 Ìtọn̄ Awaji òkup me inyọn̄;
mije, imumechieen̄ kan̄ ìbabia ire mgbọ geelek!