Ugbana òkup inyi ogwu òkitet ukpook Awaji
Okwa ekikọt isa inene isi Uwu Mbuban.
128
Kpọ uga ubelejit òkup inyi ogwu òkimin Okumugwem,mè ikiluk ugwem igọọk ubọk îtọbe.
2 Owu môrie oruru ubọk ikwaan̄ kwun̄ ijot owot;
ejit kwun̄ môkekibele;
inu geelek môkekije ijaan̄ owu me lek.
3 Me emen uwu kwun̄,
nwa kwun̄ mômaan̄ bọn owuwa owuwa;
bọn ebirieen̄ kwun̄ ebewawak ikana lek ikasi inorie kwun̄,
kubọk bọn owak ikana me ebon uti olifu.
4 Ikeyi ke Okumugwem obogbana
ogwu òkimin ọmọ.
5 Kè Okumugwem ikup me
Uwu Mbuban me Sayọn igbana owu;
kè ọmọ irọ owu òmun̄ inu okije ijaan̄ me Jeruselem
otutuuk usen ugwem kwun̄!
6 Kè ọmọ irọ owu òluk ujọn̄ọ ugwem,
mè òmun̄ bọn bọn kwun̄!
Esuuk ikup inyi ebi Ijeren.