Nnwọn Okumugwem
Okwa ekikọt isa inene isi Uwu Mbuban. Okwa kè Solomọn.
127
Ire Okumugwem ìkasa ubọk kan̄ ìnama uwu,ubọk ikwaan̄ ebi ìkinanama ìchechep ikike;
ikeya si, ire Okumugwem me lek kan̄ ìkabem ama,
ebi ìkibebem ekitotop chieen̄ ichep.
2 Ene inanan̄a ilaak me ewelegwe,
mè isi ikikwukwulu abayaage ifit egwe bak me lek inorie otu,
ìre itututuku lek;
mije, Okumugwem ìkidọdọmọ inorie
isun̄ iban ebi îmun̄be me chieen̄
mgbọ ema ekupbe me ilaak.
3 Bọn ìre ìrot Okumugwem okinyi ene;
mfut òsibi me owot ene ìre mkpukpe kan̄ îkikpe ene.
4 Bọn ene obonbe me mgbọ nsabọn irieen̄ kan̄,
ebet lek oraan̄ ogwu akọn̄ okisa ikput lek.
5 Ogwu òkakaan̄ ema iwa ìre ogwu atisi;
kpunu inu òborọ inyi esip itet ọmọ;
otu kan̄ ìbonyenye kwok kwok
mgbọ ìbokigbini ikọ melek ebi ochicha kan̄
me otunchit ama.