Uriaak isasa ibeek unyan̄a
Okwa ekikọt isa inene isi Uwu Mbuban.
126
Mgbọ Okumugwem osabe eji ika inu Jeruselem,inan̄a me ere ekpulube eji me akọn̄ isi igwook,
ìbet lek eji ekimumun̄ ilaak!
2 Mgbọ ya, imọm ìjojot eji otu,
okwa unwọọn̄ ogagak eji emen ebek;
ebi ofifi ido ekekitumu me etete kiban̄ ibe,
“Ìkpolọlọ Okumugwem îra irọ ikpele inu inyi ife bilọ.”
3 Me atikọ, Okumugwem îrọ ikpele inu inyi eji;
eya orọ, ejit îbele eji enenen.
4 Okumugwem, rọ eji eyaka ekpọk ebọọn̄ ubọọn̄,
kubọk ibot otap mun̄ ijot emen nria òchachiaak.
5 Ebi ìsasa ito me chieen̄ iwop mfut,
ebesa unwọọn̄ me ejit irọkọ.
6 Ebi ìkisa mun̄ ito me chieen̄ ibeme mfut isi iwop,
ebekikọkọt okwa unwọọn̄
isa ikibeme ogbogbo akpa erọkọbe me uko ika.