Awaji ìkibebem ebi kan̄
Okwa ekikọt isa inene isi Uwu Mbuban.
125
Ebi ìtoon̄ ejit me lek Okumugwem ekup kubọk ogoon̄ Sayọn,eyi kpebekọt isisik,
kpebekọkọt si ijibi isan̄a me akpat;
ire, ìbobabia ire mgbọ geelek.
2 Ike ogoon̄ ogbanbe ikana Jeruselem okokop,
ikeya ke Okumugwem owele ubọk ichit ebi eyi kan̄,
ibene me mgbọ keyi isi ire mgbọ ikakaan̄ge itata.
3 Eya orọ, ebi ikpak kpebekọt ikana ebi mkpulu
me inyọn̄ ijọn̄ Awaji osabe inyi ebi ata irọrọ,
inyi ebi ata irọrọ ekanyana ubọk kiban̄
ìtap me emen ijo inu.
4 Okumugwem, rọ ata inu nyi ebi ata ife,
rọ ata inu nyi ebi kpekaan̄ ofiaan̄ me ejit.
5 Ire me lek ebi ìtetele owu mè igọọk ijo ugwem kiban̄,
owu môjijaka ema isan̄a;
ema mè ebi ìgegen ibak ikirọ ijo inu.
Esuuk ikup inyi ebi Ijeren!