Awaji okibem ebi eyi kan̄
Okwa ekikọt isa inene isi Uwu Mbuban. Okwa kè Debit.
124
Ebi Ijeren, ìtumu ibe,“Jei, mebe Okumugwem ìkakup me agan̄ kiji ye?
2 Mebe Okumugwem kpomokup me agan̄ kiji,
mgbọ ebi ochicha ejibibe akọn̄ inin̄ eji lek,
3 mgbọ unaan̄-ejit kiban̄ me lek kiji oyokbe kubọk ukan̄,
ema kè emeen̄ eji èsan̄a njijoon̄;
4 mun̄ ile kè mobabaak imeen̄ eji;
unye ukot mun̄ kè mokwọkwọkọ eji ije;
5 idunu kè moyayak eji igen,
mè osa ugwem kiji oje.”
6 Itọn̄ ikup inyi Okumugwem,
mije, ìkachieek ibe
ebi ochicha etaka eji me ejeek.
7 Eji mînwọnọ kubọk unọn
onwọnọ me otu ufe ogwu òtip ufe.
Ufe îfan̄a, eji mînwọnọ!
8 Erieen̄ Okumugwem ogwu òrom inyọn̄ mè ijọn̄,
ọmọ ore ntap-ubọk kiji.