Uriaak ibebeek Awaji nsan
Okwa ekikọt isa inene isi Uwu Mbuban.
123
Okumugwem, ogwu òkup me emen inyọn̄,îre owu ke nkikpọ chieen̄
ibe owu ònotap ubọk ònyi emi.
2 Ike chieen̄ ebi usun̄ ebirieen̄ okikpọ ubọk nte uwu kiban̄,
mè ike chieen̄ ebi usun̄ ebibaan̄
okikpọ ubọk nga uwu kiban̄,
ikeya si ke chieen̄ kiji okikpọ owu
Okumugwem Awaji kiji,
mege ire mgbọ owu môrọbe eji nsan.
3 Rọ eji nsan, jei Okumugwem, rọ eji nsan;
ebi ene mîgwen eji urieek iraka iman̄.
4 Ebi irek kiban̄ onwọnbe mîchak eji ochak ijọn̄ọ mgbọ;
ochak ebi ugumulek ekichak eji îjot eji owot.