Okwa itọn̄
Okwa ekikọt isa inene isi Uwu Mbuban. Okwa kè Debit.
122
Mbele ejit mgbọ nnọbe ekibe emi,“Ngwa, eji enesi Uwu Mbuban Okumugwem.”
2 Jei Jeruselem, òbe ìre otunchit kwun̄ ire eyi
ukot kiji osababe inin̄!
3 Jeruselem ìre ama enamabe mgban ikana okokop;
inu geelek òkup me emen kan̄ ìgbagbaan̄ ibuk.
4 Îre me Jeruselem ke otutuuk otoko ebi Ijeren ekinu;
ema ìre otoko eyi Okumugwem okaan̄be,
ema ekinu initọn̄ erieen̄ Okumugwem,
igọọk me lek ikan înyibe ebi Ijeren.
5 Îre me Jeruselem ke eyiyik ogboon̄ ubọọn̄ oyerebet;
òrere ogboon̄ ubọọn̄
ebi uwu kè Debit ekikweek ikpulu ebi Ijeren.
6 Ìriaak uriaak ibe esuuk ikup me Jeruselem;
ìriaak ibe inu ije ijaan̄ me lek ebi ìmama ọmọ.
7 Ìriaak si ibe esuuk ikup inyi ebi ìluk me emen kan̄,
mè inu ije ijaan̄ me lek
ebi ìkup me uwu ebi ubọọn̄ kan̄.
8 Bak me lek ebi ngwan̄ n̄a mè ebi une n̄a ìluk me Jeruselem,
ǹkiriaak uriaak ibe mè esuuk ikup me Jeruselem.
9 Bak me lek Uwu Mbuban Okumugwem
òkup me Jeruselem,
ǹkiriaak uriaak ibe inu ije ijaan̄ me Jeruselem.