Awaji okikput eji lek
Okwa ekisa inene isi Uwu Mbuban.
121
Mâbene chieen̄ ikpọ inyọn̄ ogoon̄.Ìre ere owa ke ntap-ubọk obonan̄a inu inyi emi?
2 Ntap-ubọk n̄a ìkinan̄a me ubọk Okumugwem,
ogwu òrom inyọn̄ mè ijọn̄.
3 Okumugwem ìkpochieek ibe owu òkwaak òrọn̄;
ogwu òkikput owu lek ìkakinyieen̄ ilaak.
4 Ogwu òkikput ebi Ijeren lek ìkakinyenyieen̄,
ìkakilalaak kubọk ge.
5 Okumugwem ore ogwu òkibem owu;
ọmọ ìkukup me agba lek kwun̄ ikikwek owu lek.
6 Ura ìkposak owu unan geege me lek me ikarek;
onyan̄ ìkposasak si me eririeen̄.
7 Okumugwem môbem owu,
inyi ijo inu geege ikare owu lek;
mômun̄ ibe ke unan geege ìkasak owu me lek.
8 Okumugwem môbem owu me inu geelek oborọ;
môbem owu me isisibi kwun̄ mè ibem si me ikaka kwun̄,
ibene me mgbọ keyi isi ire mgbọ ikakaan̄ge itata.