Sayọn ama Awaji omabe
Okwa bọn kè Kora. Ebekikọkọt.
87
Okumugwem îchili ama kan̄me inyọn̄ ogoon̄ mbuban.
2 Sayọn ke Okumugwem oma ichit
me etete otutuuk ama bọn kè Jekọp geelek.
3 Jei ama Awaji,
ebilene mêkitumu ibe ke owu mikaan̄ umin.
4 Ebi ama ya ebe ke ebi Ijipiti mè ebi Babilọn mîriọọn̄ ama kiban̄;
ikeya si ke ebi Filisia, mè ebi Taya, mè ebi Etiopia
ekibe ke eman ema me emen ama ya.
5 Mêtumu ibe ke ogwugwu mè ìre ogwulọ ke eman me Sayọn;
ke îre Awaji Ogwu Òbebene Ichit ochili ama ya.
6 Okumugwem môge erieen̄ ife geelek me ikpa;
mêkitumu ibe, ogwugwu, eman me ama ya.
7 Ebi ìkọt okwa mè ebi ìwut otita mêkikọt ibe,
“Otutuuk ugbana kiji geelek ìnan̄a me Sayọn.”