Itọn̄ eyi iriọọn̄-inu okaan̄be
24
Iriọọn̄-inu ìkitọn̄ lek kan̄,mè ikikpa umin kan̄ isibi me etete ebi kan̄.
2 Îchili otu itumu ikọ me etete urum ene
ebi ìkitọbọ ebum inyi Ogwu Òbebene Ichit,
mè ikitọn̄ lek kan̄ me isi urum ebi osat.
3 Ìkibe, “Ǹnan̄a me otu Ogwu Òbebene Ichit isibi,
mè ibaan̄ ichit linyọn̄ kubọk àbaan̄.
4 Ǹluk me akpabin inyọn̄ ere òbebene ichit,
ogboon̄ ubọọn̄ n̄a ìkup me emen efit oduku inyọn̄.
5 Emi gaalek nkije ikana okwuun̄ isinyọn̄ okokop,
emi nkije me ijọn̄ ugwuuk okwaan̄.
6 Emi nkikpulu ekoon̄ me okwaan̄, mè ikikpulu otutuuk linyọn̄;
mè ikikpulu ebi ife geelek mè ido geelek.
7 Me etete otutuuk inu chi ke mweek ere mâsikibe efuuk,
ìre okike agan̄ owa ke mbaluk?
8 “Ogwu Òrorom otutuuk inu oneninyi emi ida,
ogwu Òrorom emi onenigobo ere mbaluk.
Ìbe, ‘Sa ere ebi otoko kè Jekọp elukbe rọ ere iluluk kwun̄,
mè sa ijọn̄ ebi Ijeren rọ ìrot kwun̄.’
9 Bene me akarake akat, mè ibebebene, ke îrom emi;
m̀bakukup si mege ire akarake akat.
10 Nrọ ikwaan̄ inyi ọmọ me Akpatan̄ Mbuban,
mè igwuun̄ ukot inye iluk me ogoon̄ Sayọn.
11 Ikeya ke inyi emi ere isiki-efuuk me emen ama ya îmabe,
nkukup me Jeruselem ikikpulu.
12 Ntibi ugwun̄-ijọn̄ me etete ebi ìkakaan̄ umin,
ebi Okumugwem okaan̄be, ebi ìrere ìrot kan̄.
13 “Ǹtitibi ijọn̄ọ kubọk uti olik oron Lebanọn,
mè ijọn̄ọ kubọk uti siperesi òkup me inyọn̄ ogoon̄ Emọn.
14 Ntibi ijọn̄ọ kubọk uti asaak me Engedi,
mè ibet lek ajakajak rôs ama Jeriko;
mè ijaan̄ kubọk uti olifu òkup me lek oron uko,
mè ijọn̄ọ kubọk uti pelen òtibi me agba mun̄.
15 Ndun̄u olu utop utop kubọk uti sinamọn mè uti akasia,
nseme utop olu kubọk olu mâa eyi atata kan̄,
mè idun̄u olu kubọk galibanọm, mè onicha, mè sitakita,
mè ibet lek olu oduku nsensi me emen Akpatan̄ Mbuban.
16 Nyat agọọk n̄a iwele isaak kubọk ako,
agọọk n̄a ìjajaan̄ mè ijot ichak.
17 Ngwook asabọn otu agọọk ichit lek kubọk olik gerep,
ajakajak n̄a ototo mfut òjajaan̄ mè iwa ijot ere.
melek ukpook, melek ifuk-ibot;
melek ikpọchieen̄ òkup mbuban,
melek ikukup ire mgbọ ikakaan̄ge itata;
otutuuk nsabọn̄ n̄a mîkaan̄ emi iso,
igbaalek ebi ìrere ebi eyi kan̄.]a
19 “Ìjuuk lek ìgbet, enyi ebi emi nkilọk,
mè ìnirie mfut n̄a ìjot owot.
20 Enyi mêkekikeek ibe ke emi nnin̄i igak aran̄ akwọọk,
ke ikakaan̄ emi înin̄i igak aran̄ akwọọk
eyi lek akpa akwọọk.
21 Ebi geelek ìrerie emi mêweek irerie igbaalek,
ebi ìnwọnwọ emi, ebek môrak inwọnwọ isọkọ lek.
22 Ogwu geelek òsisiki ibot inyi emi, esip ìkpotet,
ene geelek ògbagban̄ ikọ otu n̄a, ìkporọ ijo inu.”
Iriọọn̄-inu melek Ikan
23 Otutuuk keyi ìre ikpa inyan̄a-ibot eyi Awaji Ogwu Òbebene Ichit,
îre Ikan eyi Mosis onyibe otu ibe esun̄ kubọk ìrot
enyi urum ebi kè Jekọp.
tet ọmọ kan̄ nye, inyi inyi owu unye me emen;
Okumugwem Ogwukaan̄ Inyọn̄ mè Ijọn̄ gaalek ore Awaji,
isan̄a me lek kan̄, kpunu ogwu unyan̄a.]b
25 Iriọọn̄-inu ìkibaak imin me emen Ikan Awaji
kubọk mun̄ okwaan̄ Pisọn,
mè ikup kubọk mun̄ okwaan̄ Tigiris
me mgbọ uti geelek okito adasi mfut.
26 Ngobo-ntet ìkibaak iwuku me emen Ikan
kubọk mun̄ okwaan̄ Yuferetis,
mè ikup kubọk mun̄ okwaan̄ Jodan me mgbọ irọrọkọ uko.
27 Ìkirọ ijeen̄-inu ibaak ijot kubọk mun̄ okwaan̄ Nali,
mè ikup kubọk mun̄ okwaan̄ Giyọn me mgbọ ekigbeme gerep.
28 Ogwu adasi ebilene ìkariọọn̄ iriọọn̄-inu òjot òjot,
ikeya si, ogwu mgburudun̄ ebilene ìkpokọt si igobo itet isan̄a.
29 Mije, ekiket iriọọn̄-inu îmin igak emen awaji,
ikeya si, nteme kan̄ îdọk igak ugwuuk okwaan̄.
30 Emi ǹkup kubọk okolo ebumbe ikisa itaba mun̄ isibi me okwaan̄,
kubọk okolo mun̄ okije me emen igwook me uko.
31 Nnenibe, “Mâgwook-nu mun̄ me lek uko mfut n̄a,
mè itaba mun̄ itap ijot inyọn̄ okpurukpu
ere mwopbe ajakajak n̄a.”
Ire, kpọ, okolo mbumbe ya îkana okwaan̄,
okwaan̄ ya okakana emen awaji.
32 Mâkpọk irọ ibe ijeen̄-inu itoon̄ kubọk utoon̄ egwe,
mârọ mè itoon̄ ire ujọn̄ọ ere.
33 Mâkpọk igbuku ijeen̄-inu igwook kubọk nriran,
inyi ire ìrot inyi otutuuk ukot geelek òkinunu.
34 Gwun̄ chieen̄ riọọn̄ ubọk kpọ,
ǹkakwukwulu ìnyi lek n̄a gaalek,
ire, ǹkwukwulu inyi otutuuk ebi geelek ìkiweek iriọọn̄-inu.