17
Okumugwem ìsa achiaan̄ ijọn̄ irom ogwu ebilene,mè irọ inyi ọmọ iyaka ikigwu ikom ikifo si emen achiaan̄ yaage.
2 Îfieek sọntiik mgbidim mgbọ inyi ema
kubọk okike ema ebekiluk ugwem ire,
mè inyi ema unye me lek otutuuk inu geelek me linyọn̄.
3 Ìrom ema me mbet kan̄,
mè inyi ema unye òbet lek eyi kan̄.
4 Îtap ukpook ogwu ebilene
ijot lek otutuuk inu geelek òkifuuk efuuk ugwem,
mè inyi ema unye ibe ekekpulu ebi kè anam mè unọn.
mè ekenọ utop inorie, mè ekenọ inu me lek, mè ekenọ olu;
înyi ema si òso inu gweregwen,
îrọ ibe ema ekekeek ekiket,
òso jaaba, îrọ inyi ema ekekọt etọ inu ekpọ me ejit kiban̄,
mè ekekọt etumu inu ifuk-ibot ene okijeen̄ esibi.]a
6 Înyi ema alọm, mè chieen̄,
mè utọn̄, mè ejit ekisa ikeek ekiket.
7 Îtap ema ifuk-ibot mè ngobo-ntet ijot emen,
mè ijeen̄ ema esese òkup me etete ata melek ijo.
8 Îgwuku ema chieen̄,b
inyi ema emun̄ òrirọ ikwaan̄ kan̄.
mege ire mgbọ geelek.]c
10 Ema mêtọn̄ erieen̄ mbuban kan̄,
mè ikitumu uja òkup me lek ikwaan̄ kan̄ ikana.
11 Înyi ema ifuk-ibot,
mè itap ikan iluk ugwem me emen kiban̄, [
inyi ema eriọọn̄ ibe
ke ema ebi ìkiluk ugwem ìre ebi ìbekwukwu.]d
12 Îrọ inyan̄a-ibot òbokup ire mgbọ geelek melek kiban̄,
mè ichili ikan kan̄ ibook inyi ema.
13 Chieen̄ kiban̄ îmun̄ uyeke òrirọ ubọọn̄ kan̄,
utọn̄ kiban̄ înọ ida kan̄ òkaan̄ mgbugbo.
14 Îtumu inyi ema ibe, “Ìgbala chieen̄ me lek ijo inu;”
mè inyi ema ge ge ikan ofolek ogwu melek kiban̄.
Awaji môkpe ene mkpukpe
15 Ọmọ ìkirọriọọn̄ oniin̄ kiban̄ mgbọ geelek,
ìkakilet me chieen̄ kan̄ mgbọ geege.
ema ekikaan̄ ejit ònyenye, kpekikọt ikaan̄ ejit òmemem.
Îchon ido geelek
ikana otutuuk linyọn̄.]e
17 Okumugwem îto ogwu mkpulu inyi ido geelek,
ire, Ijeren ore okike inu eyi kan̄.
îsa ikan̄-inu ikpukpo ema isibi;
înyi ema utoon̄ eyi imumechieen̄ kan̄;
ìkakikpọ ema ìlọ chieen̄.]f
19 Inu geelek ema ekirọ ìkimumọọn̄ kubọk ura okitoon̄,
chieen̄ kan̄ ìgwugwuun̄ ikikpọ oniin̄ ema ekije.
20 Nrọ-nlọ kiban̄ geege ìkalet me lek kan̄,
otutuuk ijo inu kiban̄ òwa me isi Okumugwem.
mè iriọọn̄ ubọk îrombe ema,
ìkatele ema mgbọ geege,
ìkajijit si ema,
ire, ikasut ema osusut.]g
22 Uche ene onyibe ogwu ugbọọn̄
ìnye ewe kubọk mkpọtubọk iman̄ òriọọn̄
me lek Okumugwem,
inyinyi ata ejit înye ewe me lek kan̄
kubọk nkwa chieen̄ kan̄.
23 Me òta kan̄, ọmọ mônan̄a ikeke inikpe ema mkpukpe,
môsa mkpukpe inu ema erọbe inikwuun̄ ema me ibot.
24 Ire, îchieek ibe ebi ìgwugwu ikom me ijo inu kiban̄
eka enu lek kan̄,
mè ikikat ejit ebi kpeyaka ikaan̄ ikpọchieen̄.
Ìgwu ìkom ìna me lek Awaji
25 Ìtele ijo inu, mè ìgwu ikom ìna me lek Okumugwem,
ìbeek ọmọ mbeek isi me isi, inyi ijo inu kinyi igele.
26 Ìgwu ìkom ìna me lek Okumugwem, mè ìjuuk ijo inu ìtele,
mè ìsa otutuuk ejit kinyi ìcha inu geelek ọmọ ochabe.
27 Ekene me ama ekwukwu
obokọt okwa itọn̄ Ogwu Òbebene Ichit?
Îre me etete ebi ìkup me ugwem ke ekitọn̄ ọmọ.
28 Ebi ìkup me ugwem mè ikaan̄ unye-lek
ekikọt itọn̄ Okumugwem;
ire me lek ebi ìkwakwaan̄, ebi kpeyaka ikup,
itọtọn̄ ọmọ ìkayaka ìkup.
29 Jei, kpọ ubọk nsan Okumugwem ominbe iyaka,
kpọ ubọk ọmọ okitele ijo
inyi ebi ìgwugwu ikom inu me lek kan̄!
30 Ìkare otutuuk inu ke ene obokọt irọ,
mije, ogwu ebilene ìkare ogwu kpokwube mkpa.
31 Kpunu inu òtotoon̄ igak ura, ire, ìkekidun;
ikeya si, anam akpalek mè eje ìkekitọt ijo inu.
32 Okumugwem okikpọ urum inu òkup ikana me akpabin inyọn̄,
ire, otutuuk ebilene ìre mfuun̄ mè ntọn̄.