Aruunmo dị edi ọnaghanan ghan Ọmoogh-we phọ
128
Ọḅaal ologhi kụ odianaan bụphe rọnaghanan ghan bọ Ọmoogh-we phọ,kụ odimom ghan bọ ịtooghi phọ ọdi.
2 Oḍighi phọ ạna kụ kamitiom ịlo nạ rạwa olhe;
nạ kạḅaal ologhi ạḅile ạmoogh edughom.
3 Ạnir phọ ạna kạtol ịdipho oozin oreeny avain dị ramuum ghan igey iimuma sịphe kꞌạna,
ḅịle alephiri ạnmuny ạna kọkigh ịbam iizin ireeny ọliv dị ekoom ịdaabili ạna.
4 Oye lọ ạnaghanan Ọmoogh-we phọ
kạmoogh ọdo ạḍiseph phọ ạḍien.
5 Ọmoogh-we phọ ạrol li kꞌẹpe Zạyon kụ ạseph nyịna!
Tọl li ạmiin ịdi aJeruselem kạmoogh edughom
oomo ariiḍio aghuḍum mọ ạna!
6 Tọl li ạmiin nmụny oko ạna.
Ẹepho kụ ẹrolonaan Ịzirel!