Ịiḅereghi eenan ạbumulogh-ḍien Ịzirel
129
Ịzirel, ụḅeni iyoor ịpe ạbumulogh-ḍien phọ anyina rịgbiphoghom bọ inyinakꞌẹghoroghor phọ anyina.
2 “Kꞌẹghoroghor phọ ạmi,
ạbumulogh-ḍien ạmi mụgbiphoghom ghan ni ịmi rꞌịghagh iloghi
kụ ọlo kọ̋kpar upu ịmi.
3 Bịdi obenogh itokolo ạrelem ọman ạmi
kụ ẹkighimaam ozo dị momuul suphul.
4 Kụ ọlo, Ọmoogh-we phọ, oye aruukuan phọ,
mụtagharan ịmi ạsighe dọl ạrebene.”
5 Eḍighi ịdi kọkpar ghan opu tọrobo oye lọ ạlogh ḍien Zạyon
kụ oporogh oḅulemi ọman!
6 Eḍighi ịdi oomo ạbidi kọkigh rọogho dị asi ạnyu aruutu,
dị kạnuughi kụ ẹteeny mem dị kạmanam;
7 oye ráboorogh ghan kaakpomoghi
ḅịle mọ ọghoroghi ạrokol ọsighe ọḍuanam.
8 Oye ólho dị katen kụ ạḅem mọ,
“Ọmoogh-we phọ ạseph nyịna.
Yoor rọseph ni nyịna esi aḍien Ọmoogh-we phọ.”