Ọsephom ẹnighe phọ Ẹnaan
127
Eḍighi ịyaar lọ Ọmoogh-we phọ kụ otu phọ ụ́logh,oḍighi ạbuphe rọlogh bọ oopho ni bịn.
Eḍighi ịyaar lọ Ọmoogh-we phọ rókori ẹmha phọ,
pọ bụphe rọmeregha ghan bọ kokori ụmeera ni oopho bịn.
2 Oḍighi oboom oḍighi ọwa ghan ịyaar olhe oopho ni bịn,
oḅetenu ghan eḅon ạḍiroor kụ ọmina ghan ogbo aḍughul.
Loor esi dị Ọmoogh-we phọ kụ rạngo ghan ịlo bụphe ọdi ạphomoghian bọ rọwa
mem dị bịdi rọnaani.
3 Ạnmuny oḍighi ruunmo Ọmoogh-we phọ;
bịdi ọkar ạḍiseph dị eganana.
4 Alephiri ạnmuny phọ oye ạmoogh bọ mem ugheel phọ ọdi
ọkigh ịkpina dị edi ḍịghaagh oye ẹgham.
5 Ọḅaal ologhi kụ odianaan oye dị ạmoogh iboom ikpo-ịkpina.
Kọ́kpar opu nyọdi
mem dị ọdi azuan bụmulogh-ḍien ọdi esi ịiruen.