Ịiḅereghi ọtagharanam
126
Mem mọ Ọmoogh-we phọ ụsighe bọ iyoor aḅulemi ẹpe Jeruselem,ịghigh mụdi ạmalha.
2 Ọpo eeghe ịdi yoor ọmilogh rẹer! Pọ eeghe ịdi yoor ọmoor sụor iboh!
Kụ ịpheri phọ areelhe phọ ọghaaph ịlo ayoor,
“Ọmoogh-we phọ maḍighinaan bịdi iboom ạraraar.”
3 Agey ni ọdi uḍighinaan ni iyoor iboom ạraraar.
Pọ eeghe ọḅaal ologhi dị yoor ọmoogh!
4 Ọmoogh-we, ḅịle ụngo iyoor edughom,
ịdipho ọlophia rạsighe ghan bọ mụum karuom ude ọphiiny dị amoopha.
5 Ḍighi ịdi bụphe oḅephom bọ eḍien phọ rꞌizin
ọpham eḍien ibugha phọ rꞌiboh.
6 Bụphe oroolom bọ ịizupha phọ rꞌizin
kotigheel rꞌạsuor iboh,
dị ọpham ibugha rotigheelom.