Eekpereghian awe phọ Ẹnaan
125
Bụlo ọkpasi emooph ạbidi esi Ọmoogh-we phọ ọkigh Eegum ạZayonnyẹpe kótue bọ opighemi, kótue bọ otuphuron.
2 Ịdipho aruugum mọ ekoom bọ Jeruselem,
ịdipho kụ ẹdi Ọmoogh-we phọ akoom we phọ ọdi
nyịidipho ḅịle kꞌagee-pọ.
3 Awe ạsipioghom kọ́da ghan bịn sịphe ade awe aruukuan phọ;
bịdi ọda, iini sịen awe aruukuan phọ koḍighi aani ịkaraph.
4 Ọmoogh-we, ḍighi ịlo ẹnighe ạngo bụphe ọnighe bọ,
rꞌạbuphe ọdaphan bọ ịtooghi phọ ạna.
5 Kụ ọlo, mem dị nạ rạliom ịkaraph awe phọ,
ạliom aani ghan bụphe oghel bọ reten phọ ạna.
Ẹepho kụ ẹrolonaan Ịzirel.