Ẹnaan ekpereghiom awe phọ ọdi
124
Miḍighi ika mụghumo Ọmoogh-we phọ mụ́tolan bọ rꞌayira?Ịpagharanaan, weye Ịzirel.
2 “Mụghumo Ọmoogh-we phọ mụ́tolan bọ rꞌayira
mem mọ ạbumulogh-ḍien phọ uzuom bọ iyira,
3 ọbo bịdi mụminogh ni iyira imoom
rꞌoboom ọghagh ologhi phọ bịdi ụmooghom bọ iyira;
4 ọbo amugbogh ạmuum-aḍigho mọ mukilom ni iyira ạḍuanam,
ọbo ạmuum mọ mụminoghom ni iyira,
5 ọbo oboom mọ okiilia phọ muḅiemi ni iyira.”
6 Itu ọseph Ọmoogh-we phọ,
ọpo úmeera bọ ạbumulogh-ḍien phọ ayira uphiemi iyira.
7 Yira mokpetenaan ịdipho ẹnun dị aḍiphil ọnyo ịtaya mesiph ẹpiom;
aḍiphil mewunaan, kụ yira mokpetenaan.
8 Ạpeleeny ayira ạḍua ghan kꞌỌmoogh-we phọ kụ ratu esiph ẹpiom,
ọpo ạlhem bọ kẹ phọ rꞌade phọ.