Ạḍuor ẹyaal ọphel otene phọ
114
*Mem mọ awe phọ Ịzirel ọḍua bọ Ijipt,mem mọ ạnmuny ạnmuny ạJekob ọḍua bọ ḍiiruen ade phọ,
2 ạbuo aJuda oḍighi we iigbia Ọmoogh-we phọ,
ạbuo Ịzirel oḍighi bụo ẹmoogh ọdi.
3 *Ọphiiny Igbilha phọ aphogh kụ aghiil ạḍua;
Ọphiiny ạJodan asophe okil.
4 Ạraaḅaraph phọ epeleghu mụdi idughuna,
aroogbolom mọ epeleghu mụdi ạnmuny iyool-ịga.
5 Nạ Ọphiiny phọ, eeghe kụ imite kụ nạ aghiil bọ ạḍua?
Ḅịle nạ ạJodan phọ, eeghe kụ nạ asophe bọ okil phọ.
6 Nyina ạraaḅaraph phọ, uḍighi ika kụ nyina epeleghu bọ ịdipho idughuna?
Nyina aroogbolom mọ, uḍighi ika kụ nyina epeleghu bọ mụdi ạnmuny iyool-ịga?
7 Nạ ade phọ, piigha mem dị Ọmoogh-we phọ ratu,
egbodo Ẹnaan phọ ạJekob,
8 *ọpo ranme ghan bọ sighiigh katene rụunu ạmuum,
ọpo rạsighe ghan bọ igbogh ạrana katene rụmuum dị rekil.