Ọsephom ẹnighe Ọmoogh-we phọ
113
Iboom Ọmoogh-we phọ!Nyina abutelhedom Ọmoogh-we phọ,
iboom ḍien phọ ọdi.
2 Oboom ḍien phọ ọdi,
nyịidipho ḅịle kꞌagee-pọ.
3 Emiigh kꞌemitenom erumuḍio kꞌesoorom,
iboom ḍien Ọmoogh-we phọ.
4 Ọmoogh-we phọ kụ ạda oomo areelhe;
eegu ọdi epeleghom sịke phọ.
5 Oye ólho dị ạghigh Ọmoogh-we Ẹnaan phọ ayira.
Ọdi atugh iiphopha ariisi ạnyu
6 kụ azuman
ọmiin ạsike rꞌade phọ.
7 Ọdi apoophe rukulom sịphe ophugh phọ;
ọdi apoophe oye dị ị́nighenom ạsighe esi ịminimiin ọdi
8 kụ aḍighi bịdi we orelhian ạnmuny ạraalha,
sịphe ạnmuny ạraalha awe phọ ọdi.
9 Ọdi ạngo eghuan ạnir lọ mọony ụ́moogh sịphe kꞌolhom ọdi;
ọdi ạngo nmụny ọḅaalami ologhi ọdi.
Iboom Ọmoogh-we phọ!