Bịldad
25
1-2 Ẹnaan ẹmoogh ni ịikpo.Oomo awe oghiilaan ghan nyọdi!
Ọdi ạpamam ni rꞌẹepho ọmar kꞌạke phọ ọdi.
3 Oye katue ni agbi oomo ạruukpaany phọ rokumu ghan bọ Ẹnaan ḍụghum?
Esi edi ni dị ạḍiḅaal Ẹnaan phọ rẹ́mu ghan ḍụghum?
4 Oye katue ni aseleman ạḅile aakuan riḍien Ẹnaan ḍụghum?
5 Sịphe ariḍien phọ ọdi ghạlamo ụnwanyu phọ bịn ósoor,
ạraanaan phọ íseleman.
6 Kụ ạghiom ologhi oye, ḍịleegbem mọ, ghoogh-aben phọ?
Oye ạkar ạman eeghia riḍien Ẹnaan.