Ạsuor Phọ
Ạḍiḅel ạḍinya
(Ạsuor 1—41)
Ọkaraghi iboh
1
Iboh edianaan ni oye phọ ọpo aghel bọ oroma ạsipioghom mọ,ọpo ụ́daph bọ eḍighinom ịyaar abuḍighinom ịkaraph,
ḅịle uḍighan bọ ẹku ạbuphe ụ́maghami bọ Ẹnaan ịyaar.
2 Kpạripe, ọdi ạwa ọḅaal ologhi esi ooko ologh Ọmoogh-we phọ,
ḍughul rꞌootaany ọdi rọtuugha ghan ologh phọ ọdi.
3 *Ọdi ạkigh oreeny dị ọzuph ọgbal ọphiiny
dị ramuum ghan iimuma lọ mẹteeny omuum,
kụ ạrinya ọdi rékeel ghan ọnam.
Tọro ịyaar lọ ọdi ạḅogh rẹnighenaan ghan ni nyọdi.
4 Ịdipho ílhoonaan bụo ạsipioghom mọ.
Ạbidi ọkigh ịpherepher dị ookuugh rapula kạsighe.
5 Ịduon kụ iḍighi kụ erugh bụo ạsipioghom rékeel ghan;
abuḍighinom ịkaraph róḍighom ghan ookpomoghan ạbuo aruukuan.
6 Ọmoogh-we phọ raako ghan ni bụo aruukuan reten phọ ạbidi;
kụ ọlo eten ạbuo ạsipioghom mọ ẹlo amuphe.