Yaweko neneŋo sopo-sopo unine Dewitko mande ŋa nakayáŋaró.
23
Yawe ŋuko neneŋo sopo-sopone. Ŋunde koro ko no o kanata karo kama tukuni tewano.2 Enendo no noriní komó meté saŋano eteyoteno,
Ko enendo no norero sono tomó ta-ta quno toŋiní ko no sono nero ko no imaqe yoteno.
3 Enendo wimbu keta no nunoyote,
ko enendo none iŋoro nore khe meté wore yareyote,
dokaro komo enendo ŋunde tewano yaró ŋuro.
4 Yawe, enina no yende piyimimo
ko huriri parámiwore khete uyarewano quno,
no o piyimi ŋuro kama sasaro tewano,
dokoro, ke noya yorote.
No ke kiyowe usú towote ŋuko sipsip sopo-sopoko usú towoyoteŋgo ŋunde qembe ku,
ŋunde koro ko no newondene ime yorote. No kama piyotewano.
5 Keto neneŋo o newero meté roŋgaruworo tunomo ri
ko saŋgirínembo no niyoteŋgo.
Keto no nore maheka keya kopo kunditeya,
ko no meté kawaware tenuno.
6 Yawe, keto no meté kawaware tenuno,
ko naru soso no yoto-yoto yowano quno keto no ime tenuno qembe.
Ko no naru
suki-suki keto yano yowano.