Jọn gwun̄ kè Jebidi, ogwu otuchieen̄ kè Jisọs oge ikpa nriran yi ofolek inu òborọ me mgbọ òkup me isi, isa itap bọn Awaji efuuk me emen me irak ikpele ujaralek eyi ogwu ibot mkpulu ebi Rom okitap ema me lek.

Ikpa yi ìkijeen̄ ikpele ntim-mkpan̄ eyi Awaji obotim ikpan̄ unye eyi ijo inu eyi linyọn̄ keyi.

Jọn îtumu ikọ ofolek ufialek òbonu me òta mgbọ, mè ubọk Awaji obosa inyan̄a ebi kan̄ isibi. Îtumu si ikọ ofolek Òta Oyerebet Awaji, mè ubọk linyọn̄ keyi obosa ita, mè itumu si ikọ ofolek ayaya linyọn̄ mè ayaya emen inyọn̄ òbonu.