Òso Ikpa Etip Iba
Jọn
Ogebe
1
Emi ogwu ugane ntitiin̄ Awaji nkige ikpa etip keyi ijet owu,
atata ogwu enenwaan̄ Awaji ogobobe inyi lek kan̄,
melek nsabọn kwun̄.
Me atikọ,
mmun̄ enyi me chieen̄ enenen.
Ìkare emi gaalek mmun̄ enyi me chieen̄.
Otutuuk ebi ìrọriọọn̄ atikọ eyi Awaji mîmun̄ si enyi me chieen̄.
2 Eji emun̄ enyi me chieen̄,
mije,
eji mîriọọn̄ atikọ.
Atikọ ya si môkup me emen kiji mege ire mgbọ ikakaan̄ge itata.
3 Atata nnwọn,
mè nsan,
mè esuuk eyi Awaji Ute mè Jisọs Karais ogwu Gwun̄ môkup inyi eji me emen atikọ mè imumechieen̄.
Ebi eyi Awaji mêkirọ atikọ, mè ikima lek kiban̄
4 Îre inu ikpele unwọọn̄ inyi emi imumun̄ usini nsabọn kwun̄ ekiluk ugwem me emen atikọ,
kubọk Awaji Ute onyibe ida ibe eji ekerọ.
5 Eya orọ,
atata ogwu enenwaan̄,
ǹkibeek owu ibe mè eji ekemun̄ lek kiji me chieen̄.
Eyi ìkare aya ikan.
Îre oka ikan eyi enyibe eji bene me ibebene,
mgbọ eji ebọkọbe ikọ Awaji itap ayaya.
6 Iluluk ugwem igọọk me lek Ikan Awaji,
eya ore imumechieen̄.
Kubọk enyi ewuukbe lek inọ bene me ibebene,
Ikan Awaji onyibe eji ìre,
mè eji ekemun̄ ebi melek kiji me chieen̄ mgbọ geelek.
Nteme ofolek ebi ochicha kè Karais
7 Owuwa ebi ofiaan̄ mîra inin̄ ijot linyọn̄.
Ife chi kpechieek ibe ke Jisọs Karais înu me linyọn̄ keyi me akpalek ebilene.
Ene geelek òkirọ ojelek inu òkup ikeyi ìre ogwu ofiaan̄,
mè ire si ogwu ochicha kè Karais.
8 Eya orọ,
ìgbala chieen̄,
inyi inu ya eyi enyi ekwukwulube me lek ikachep enyi me ikike.
Ire,
ìtet lek ìnye,
inyi enyi ebọkọ òjot òjot mkpukpe me lek ikwaan̄ enyi erọbe.
9 Ogwu geelek òrọrọ inu isaba iraka itele ijejeen̄ eyi Karais ojeen̄be eji,
ene ya ìkakaan̄ Awaji me emen ugwem kan̄.
Ire,
ogwu geelek òkekeke inye me emen ijejeen̄ kè Karais ya,
ene ya îkaan̄ Awaji Ute,
mè ikaan̄ si ogwu Gwun̄ me emen ugwem kan̄.
10 Eya orọ,
ire ogwu inu ibonijeen̄ enyi inu,
mè ìkajeen̄ ijejeen̄ keyi,
ikabọkọ ene ya ìtap me uwu kinyi.
Ikatọtọp si ọmọ amọn geege.
11 Mije,
ogwu geelek òtọtọp ene ya amọn,
ogwa îgọọk ene ya igbaan̄ ikirọ ijo inu eyi ene ya okirọ.
Òta amọn