Jọn gwun̄ kè Jebidi, ogwu otuchieen̄ kè Karais oge ikpa etip yi ijet bọn Awaji ibe ekaan̄ mgbaan̄-nrọ melek Awaji mè Gwun̄ kan̄ Jisọs Karais.

Îtaba si ema ubọk me utọn̄ ibe ekagọọk ebi ìkijeen̄ nlilọ ijejeen̄. Nlilọ ijejeen̄ ya ìre ke linyọn̄ keyi me lek kan̄ ìre ijo inu, ke linyọn̄ yi si ìkirọ inyi ene geelek òkukup me emen kan̄ ikana ogwu ijo. Eya orọ, me atikọ, ke Jisọs Karais, Gwun̄ Awaji ìkanu me linyọn̄ keyi me akpalek ebilene. Mije keyi, ke ene ìbokaan̄ unyan̄a inan̄a me iwọwọọk lek kan̄ isan̄a me emen ugwem eyi linyọn̄ keyi, ke irọrọ ata inu, mè imumun̄ ene me chieen̄ ìkagbaan̄ me lek unyan̄a.