Pita ogwu otuchieen̄ kè Jisọs Karais oge ikpa ukarajit yi ijet ebi eyi Awaji me agan̄ Esia Ijija, me mgbọ ogwu ibot mkpulu ekigwen Domisian okisisaak otutuuk bọn Awaji mije ichechieek kiban̄.

Îtumu inyi ema ibe ke ufialek Karais omun̄be, mè ikwu, mè ijomo me mkpa, mè ikpọkpọk inu eyi ìbokpọk inu, înyi ebi kan̄ ikpọchieen̄ eyi òkup me ugwem. Eya orọ, mè ema eme ufialek mè osusut geelek òkinu inyi ema me ema ekarọge inu geege ìlọ, mije, ke ufialek cha ìkinu inenitọ ichechieek kiban̄ ikpọ. Ire ema ikeke inye, ke ema mêbọkọ mkpukpe me Usen Awaji môchilibe Jisọs Karais ijeen̄ ebilene.