Ugwem ogwu òkisi ikwaan̄ inyi Awaji
12
Eya orọ,
bọn Nte n̄a,
mije Awaji okaan̄be ejit nsan me lek kinyi,
soso,
nriaak enyi,
ìsa lek kinyi ìnyi Awaji kubọk ke esasa enyi me ògat ugwem igwa ngwugwa inyi Awaji,
ngwugwa òkup me mbuban,
mè ikibele Awaji ejit.
Eyiyi ore isisi ikwaan̄ inyi Awaji kubọk ebi ìkaan̄ ifuk-ibot.
2 Ikayaka ìluk ugwem ìgọọk me lek orọmijọn̄ linyọn̄ keyi ofifi.
Kpan̄asi ikeya,
ìtele mè Awaji inyi enyi ayaya ejit,
mè isa me ikeya inwene enyi.
Mgbọ keya ke enyi mêkọt iriọọn̄ nkeek Awaji.
Nkeek Awaji înwọn,
mè ikibele Awaji ejit,
mè iso ifuk.
3 Sa me atata nnwọn eyi Awaji onyibe emi,
ǹkitumu inyi enyi ibe,
ene geege ikamọnọ lek kan̄ ubene ubene ìsaba ìraka ubọk îgbebe.
Kpan̄asi ikeya,
ìfiat mgbọ ìkeek lek kinyi,
mè ìriọọn̄ ubọk enyi ekupbe me atikọ,
mè ìtọ lek kinyi ìgọọk me okike ichechieek Awaji onyibe enyi.
4 Ene geelek ìkaan̄ akpalek ge,
melek owuwa nriro me lek.
Ire,
otutuuk nriro cha kpekigbaan̄ irọ chieen̄ ikwaan̄ ge gaalek.
5 Ikeya si,
me emen kè Karais,
ubọk geelek eji erebe owuwa ene,
eji otutuuk ene ìre akpalek ge gaalek.
Ene geelek me etete kiji ìkup inyi otutuuk kiji,
ìkakup ìnyi lek kan̄ gaalek.
6 Eji ekaan̄ si uche esese esese igọọk me lek atata nnwọn Awaji onyibe eji me ene me ene.
Ire uche ene ge ire ibeben nriran,
ene ya isa ibeben nriran ya isi ikwaan̄ igọọk me okike ichechieek ọmọ okaan̄be.
7 Ogwu eyi kan̄ orebe isisi ikwaan̄,
ene ya ikisi ikwaan̄.
Ogwu eyi kan̄ orebe ijejeen̄ inu,
ene ya ikijeen̄ inu.
8 Ogwu uche kan̄ orebe itatap ebi ene efuuk me emen,
ene ya ikitap ebi ene efuuk me emen.
Ogwu eyi kan̄ orebe isasa inu îkaan̄be ikitap ubọk inyi ebi una,
ene ya ikichili ubọk iche inu inyi ebi una.
Ogwu eyi kan̄ orebe ikpukpulu,
ene ya igbala chieen̄,
mè ikikpulu ijaan̄.
Ogwu eyi kan̄ orebe ikakaan̄ ejit nsan me lek ene,
ene ya ikisa me ubelejit ito ene nsan.
Ijejeen̄ ofolek imumechieen̄
9 Ikachieek ibe imumechieen̄ kinyi ire eyi ofiaan̄,
ire,
ire eyi atikọ.
Ìcha ijo inu,
me ìkitet ata inu ìnye.
10 Ìkikaan̄ ulọk me lek bọn Nte kinyi me ejit imumechieen̄ ngwan̄ mè ngwan̄.
Ìkinyi ebi melek kinyi umin ìgak ubọk enyi ekinyi lek kinyi.
11 Ìkikaan̄ ulọk me isisi ikwaan̄,
ikawọ lek.
Ìkisa otutuuk ejit kinyi ìsi ikwaan̄ ìnyi Okaan̄-ene.
12 Ìkinwọọn̄ unwọọn̄ mije ikpọchieen̄ kinyi,
ìkikat ejit me emen ufialek,
mè ìkiriaak uriaak mgbọ geelek.
13 Ìkiche inu enyi ekaan̄be ìnyi ebi eyi Awaji ebi kpekaan̄ inu,
mè ìkibọkọ ebi ichen ìtap.
14 Ìkiriaak Awaji ibe igbana ebi ìkisisaak enyi,
ìkigbana ema,
ikakifieek otu ìnyi ema.
15 Ìkibele ejit melek ebi ìkibele ejit,
mè ìkifieek ejit melek ebi ìkifieek ejit.
16 Ìgọọk ebi melek kinyi ìluk me esuuk.
Ikakibene lek.
Ìkigọọk ebi irek kiban̄ osikibe igak eyi kinyi ìkigbaan̄ inu ìrọ.
Ikakimọnọ lek kinyi kubọk enyi gaalek eriọọn̄ inu igak.
17 Ikakisa ijo inu ìyaka ìkpe ene me ijo inu eyi ene orọbe enyi.
Ìmun̄ ibe ke enyi mîkirọ inu ònwọnwọn me chieen̄ otutuuk ene.
18 Ìkiluk me esuuk melek otutuuk ene,
ire ifet,
mè ikup enyi me ubọk ikọkọt irọ.
19 Bọn Nte n̄a,
ikarọ ene useen̄ inu.
Kpan̄asi ikeya,
ìkinyi irek mè unaan̄-ejit Awaji isi ikwaan̄,
mije,
Okaan̄-ene ìtumu me Ikpa Mbuban ibe,
“Îre emi mbasan̄a useen̄.
Mâyaka ikpe.”a
20 Kubọk Ikpa Mbuban otumube,
“Ire uraafiọọn̄ itaka ogwu ochicha kwun̄,
nyi inorie.
Ire ebek irak,
nyi inu enwọnwọ mè inwọ.
Mgbọ okirọ inu chi inyi ogwu ochicha kwun̄,
òkititiin̄ mbubuuk ukan̄ igwook ọmọ me ibot.”b
21 Ikakinyi irek ibe ijo inu ikitim ikpan̄ enyi.
Kpan̄asi ikeya,
ìkisa ata inu ìtim ìkpan̄ ijo inu.