Okwa ntim-mkpan̄
149
Ìtọn̄ Okumugwem;ìkọt aya okwa ìnyi ọmọ;
ìtọn̄ ọmọ me emen ntitiin̄ ebi eyi kan̄!
2 Enyi ebi Ijeren,
ìnwọọn̄ unwọọn̄ me lek Awaji ogwu òrom enyi;
enyi ebi Sayọn,
ìnwọọn̄ unwọọn̄ me lek ogwu ubọọn̄ kinyi!
3 Ìjop okwa ìtọn̄ erieen̄ kan̄;
ìkwak ekpete, mè ìfit uneen̄ ìsa ìtọn̄ ọmọ;
4 mije, ejit Okumugwem îtop me lek ebi eyi kan̄;
ọmọ okirọ inyi ebi ekitutuku etim ekpan̄ ebi ìkitutuku ema.
5 Tele ebi eyi Awaji ebele ejit, mije ema etimbe ikpan̄;
tele ema etop chieen̄ me inyọn̄ mkpilaak kiban̄ etaan̄ ukpo
ekọt okwa unwọọn̄ ewele egwe.
6 Tele ema etaan̄ ukpo edimi ere etọn̄ Okumugwem,
mè ekaan̄ oge akọn̄ isi iba me ubọk,
7 mêsabe ikpe ebi ofifi ido useen̄ ijo inu,
mè isulu si ema osusut.
8 Ema mêsa mkpọn ibọp ebi ubọọn̄ ido cha,
mè isa okwukwut igọbọ ebi ilile kiban̄ ukot,
9 isasa isulu ema osusut itip-oyerebet, ubọk Awaji ogebe isun̄;
eyiyi ore ntim-mkpan̄ eyi Awaji onyibe ebi kan̄.
Ìtọn̄ Okumugwem!