Uriaak ibebeek Awaji nsan
Okwa ekikọt isa inene isi Uwu Mbuban.
130
Okumugwem, ǹkup me emen uyọrọlek òkakana emi okokopigwen owu.
2 Ogwukaan̄-ene, soso nọ emi ida;
gban̄ utọn̄ me lek mbeek nkibeek owu!
3 Mebe owu Okumugwem mokige ijo inu kiji isun̄,
kpukpunu ogwu monwọnọ itip-oyerebet kwun̄!
4 Ire, owu òkitetele ijo kiji inyi eji,
ufuna eji eketet ukpook me lek kwun̄.
5 Me otutuuk ibot ejit n̄a, ǹkikup ikpọ Okumugwem;
ikpọchieen̄ n̄a ìkup me lek ikọ kan̄.
6 Ubọk nkikup ikpọ Okumugwem
îgak ubọk ebi ìkiban egwe ekikup ikpọ ibe egwe iwele;
iin̄, me atikọ, îgak ubọk îkikup me lek ebi ìban egwe
mgbọ ekikup ikpọ utoon̄ egwe.
7 Jei ebi Ijeren, ìkaan̄ ikpọchieen̄ me lek Okumugwem;
mije, Okumugwem okaan̄ imumechieen̄ mgbọ geelek;
ọmọ si okifaka ene isibi òjot òjot.
8 Okumugwem môfaka ebi Ijeren isibi
me otutuuk ijo inu kiban̄.