Izirẹl ụ́wa okiton esi ịkaraph
6
Awe phọ ọḅem mọ, “Itu oḅula kꞌỌmoogh-we phọ! Ọdi muḍighi ni iyira ịdi ị́nighe; kụ ọdi kaseere ni ologhi ookonom ayira; ọdi mudoghoḍi iyira rẹlem, kụ ọdi kạkoroghiom ni riisi phọ ukpe. Kị́duon? 2 Esi ịyal mꞌịraar asiḍughul-otu ọdi kụusa ni iyira, kụ yira kọtol egbodo ọdi. 3 Ọwa ịlo olegheri Ọmoogh-we phọ, pọ, iikia ílho, ọdi katu ni esi ayira ịdipho ạḍiroor rẹḅaal ghan bọ, ịdipho ạmuum unu kạḅore ghan bọ de phọ.”4 Kụ ọlo, Ọmoogh-we phọ ạḅem mọ, “Weye Ịzirel rꞌaJuda, mị kiḍighinom bọ inyina eeghe? Ẹphomoghian phọ anyina esi ạmi ọnyam-ọḅatan bịn ụ́miin mun ịdipho ọotu ạḍiroor; rábia ghan mụdi ooto eḅon ạḍiroor. 5 Ịdipho kụ iḍighi kụ mị marom bọ riil phọ ạmi rꞌadom ọoruen rꞌoogulemi. Ịdi mị rạwa esi anyina eganana kụ eetolonu. 6 *Mị rạwa ghan esi anyina ẹphomoghian dị kébi, kạ́rikia ịnam mọ anyina. Ẹnighe ni epu dị awe ạmi kulegheri ịmi kpạripe rꞌọphighironaan ạmi ẹkia ạnian.
7 “Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ. 8 ẠGiliad ẹmha dị ạbukaraph awe rꞌạrookom enu kụ omuza. 9 Ariil ạrikia phọ ọkigh ḍita ạruḅa dị ọḅona eten ogon oye. Ghạlamo reten ọghi osi esi iigbia ẹpe Sẹkem bịn bịdi rọze ni weye. Kụ oomo ạsipioghom mọ bịdi olegheri ghan ni kụ roḍighi! 10 Mị mạmiin ẹekia ịyaar sịphe Ịzirel: awe phọ ạmi mọopu siloor ạbidi esi ooseeny ghan ịkaaghineen ạrumugh.
11 “Kụ nyina anyina, we phọ aJuda, mị maseere mem ọliom anyina kẹn esi ịdi nyina reḍighi ghan.