Ạḍuor oboomiom
149
Iboom Ọmoogh-we phọ!Ịmooraan ḍimoom ạḍuor Ọmoogh-we phọ.
Iboom nyọdi esi dị abugeny awe ọdi mookpomoghan.
2 Ịmoogh iboh, weye Ịzirel, loor ẹmhu Ọlemia phọ anyina;
ịḅaal ologhi, weye ạZayon, loor ẹmhu ọdaam mọ anyina.
3 Iboom ḍien ọdi ẹgher ịḅa;
iti rạkama rꞌạrene eboomiom nyọdi.
4 Ọmoogh-we phọ ạmoogh ḍịḅeeraan awe phọ ọdi;
ọdi rakueni ghan ni bụphe osooromi bọ loor rꞌọkpar opu.
5 Awe phọ Ẹnaan ọḅaal ologhi esi ọkpar opu phọ
kụ ọmoor rꞌibo oomo aḍughul phọ!
6 Bịdi ọlo ọghiom ạnyu mem dị bịdi roboom Ẹnaan phọ!
Bịdi ọpham ịiropha arolhool ẹgham ạbidi rạghaagh,
7 ịlo ọkpar opu areelhe
rꞌọliom awe areelhe phọ;
8 ịlo ọphaḍiom ạbudaam mọ izime,
buḍiemiom mọ izime arukuron;
9 ịlo ọlhiom areelhe phọ ịdipho Ẹnaan mẹto bọ.
Phọn kụ ọkpar opu awe phọ Ẹnaan.
Iboom Ọmoogh-we phọ!