Ọkunuma ịlo ịminimiin phọ Ịzirel
137
Sịphe iigbom ạriphiiny ạBabilon kụ ẹdi yoor ọrologhu ude;sịphe kụ ẹdi yoor omoghi ghan mem dị yoor ọotughian bọ Zạyon.
2 Sịphe ịla ạgala phọ,
kụ ẹdi yoor ọkomoghi rạraar ephegh ayoor.
3 Bụphe usiphi bọ iyoor ụḅeni iyoor mọ ọmoor ḍụor;
bịdi ụḅeni iyoor mọ ọzaami bụno:
“Ịmooraan iyoor ḍụor ạZayon.”
4 Ika kụ ẹdi yoor kọmooraan bọ ḍụor Ọmoogh-we phọ
ḍiiruen ade?
5 Mị kútue mun uti ọne,
eḍighi ịyaar lọ mị awula nyịna, Jeruselem.
6 Mị kútue mun ụmoor sụor,
eḍighi mạar dị mị nyịna ụ́utughian
eḍighi ịyaar lọ mị ụ́utughian mọ nạ kụ ọkar igbogh iboh phọ ạmi.
7 Tụutughian, Ọmoogh-we, ịpe awe Idom mọ oḍighi bọ
ḍio phọ bịdi oḍigh bọ Jeruselem.
Tụutughian ịdipho bịdi ọrol ghan bọ ọḅem mọ,
“Ilereghi esiemi ude.”
8 *Weye ạBabilon, kiigulemi ni inyina.
Ọḅaal ologhi kụ ạrolonaan oye lọ iḅulemian inyina
esi ịpe nyina iḍighi bọ iyoor —
9 oye lọ ạsighiogh nmụny asipugh anyina
kụ ạgurogh bịdi ạze loor asighiigh.