Ọmoogh-we phọ eekpereghian ayira
121
Mị rapogh ghan ẹpe aruugum mọ.Ẹghen kụ ẹdi ọloghonaan ạḍighaagh phọ ạmi kạḍua bọ atu?
2 Ọloghonaan ạḍighaagh phọ ạmi kạḍua kꞌỌmoogh-we phọ,
ọpo ạlhem bọ kẹ phọ rꞌade phọ.
3 Ọdi kámeera mọ nạ ameel;
ọpo raakpereghi ghan bọ nyịna rạ́naani ghan.
4 Ọpo raakpereghi ghan bọ Ịzirel
ạrala rạ́pu ghan ḅịle rạ́naani ghan.
5 Ọmoogh-we phọ kaagho ni nyịna;
ọdi odi ni ịigaany phọ ạna ookpereghi ạna.
6 Erumuḍio phọ nyịna mạar kéḍighi mem ootaany;
ḅịle rꞌụnwanyu mem aḍughul.
7 Ọmoogh-we phọ kaagho ni nyịna esi oomo ịiḅaghami;
ọdi kạmaar ri ạpham nyịna.
8 Ọdi kaagho ni nyịna eḍighom rꞌemitenom mọ ạna
nyịidipho ḅịle kꞌagee-pọ.