Ịiḅereghi ọloghonaan ạḍighaagh
120
Mem dị mị ạrol esi ịiḅaghami, mị ụmagh ni Ọmoogh-we phọ,kụ ọdi ụnaghanan ni ịmi.
2 Ụphel ịmi, Ọmoogh-we,
esi ạbugbaam ọkpe rꞌawe areekeleghian phọ.
3 Nyina ạbugbaam ọkpe, eeghe kụ ẹdi Ẹnaan kịlhiom bọ inyina?
Ika kụ ẹdi ọdi kịlhiom bọ inyina?
4 Kạsighe ịsiosio ịkpina oye ẹgham
rꞌiiḅu ạnian dị reda!
5 Orughan rꞌanyina ebeeph ịdipho ọrol ẹpe Mẹsek
ḅịle rꞌọrugh igbo awe aKedar.
6 Mị marughan ni kꞌamem dị mebia
rꞌawe dị oghel ẹepho.
7 Mem dị mị rạkaaph ịlo ẹepho,
bịdi rọnya ghan ẹgham.