Ẹnaan Ọdaam mọ
93
Ọmoogh-we phọ ọdaam.Igbogh rꞌịnyaam kụ iinmenan phọ ọdi mạkpologhian bọ.
Ọdi ạkparami ni ephighiom aḅirini phọ
dị kótue ogboton.
2 Ạgada igbogh phọ ạna, Ọmoogh-we, amiigh ni kpis kꞌemiighom mọ,
ḅịle nạ odi ghan ni kụ amem egbi omiigh.
3 Aḍigho ạbazi phọ mephoophe ẹḍogh ạbidi, Ọmoogh-we;
bịdi epoophe ẹḍogh ạbidi kụ ẹmaphaan.
4 Ọmoogh-we phọ kụ ạmoogh ni ịikpo kꞌạke
dị epu ọmaphaan otu-ḅualhe phọ,
dị epu oologh ọphiiny.
5 Iilogh phọ ạna edi ghan bịn, Ọmoogh-we;
ḅịle Otu Ịiḅereghi phọ ạna aḍighi ni esi iigbia
kꞌagee-pọ kꞌagee-pọ.