Ịiḅereghi ọloghonaan ạḍighaagh
70
Gboogborion ụphel ịmi, Ẹnaan.Ọmoogh-we, nụun aru ụlhoghonaan ịmi ḍịghaagh.
2 Umugholoor asiph ḍita ạbuphe rụwa ghan bọ ịmi ịlo oghiigh;
ọgbaragbara asoorom bịdi, bịdi ophe!
Aḍita ạbuphe robo ghan bọ mem ịminimiin ạmi oḅulolom rꞌẹgum ọman rꞌumughuloor!
3 Iloghi ạbidi eḅonyonu kụ bịdi omeel!
Ịphen kụ eru ịikpia ạbuphe rụmilogh bọ ịmi!
4 Oomo ạbuphe oḍighom bọ nyịna ọmoogh iboh rꞌọḅaal ologhi
kụ oomo ạbuphe nạ ạphel bọ ọseph ghan nyịna kụ ọḅem ghan mọ,
“Ẹnaan ẹbugh ni!”
5 Mị adugh ni ḅịle ịyaar ịmi ílho;
tue esi ạmi elhom, Ẹnaan.
Ọmoogh-we, nạ kụ ọpelia ạmi —
gboogborion aru uḅegh ịmi.