Ịdi Ẹnaan rẹwa
15
Ọmoogh-we, ạnhian kụ kaḍigh Otu phọ ạna?Ạnhian kụ kạaḅereghi ẹpe Zạyon, eegbolom iigbia phọ ạna?
2 Oye egey ẹeghara bịn kụ kaḍigh.
Ọdo oye phọ ọpo rakueni ghan bọ Ẹnaan oomo areten,
kụ rạgba ghan igey pạ ologhi phọ ọdi.
3 Ọpo rạ́kalaghian ghan bọ ịkalaghian,
ráḍighi ghan bọ matuman ọdi ịkaraph,
ráatuuny ghan bọ we.
4 Ọpo aphogh bọ asooromi bụphe Ọmoogh-we phọ maghel bọ
kụ rakueni ghan bọ bụphe rokiilaan bọ Ẹnaan.
Tọrobo ịlo kemite,
ọpo rạ́bile ghan bọ oḍighi ịlo ọdi aguan.
5 Ọpo rạbologhi ghan bọ ikpoki kụ ọḅar ụ́logh,
rále ghan ịgara kạgba aphume oye dị ụ́piom.
Ọlo raḍighi ghan ịphen phọ kógboton nyọdi dọl.