Asimarugh dị osereghinaan eghun rꞌeghun
2
Ọmoogh-we phọ ạghaaph ạḅeni Mozis rꞌEeron mọ, 2 “Tọro mem lọ awe Ịzirel odoghoḍi rugbogo phọ ạbidi, oye oye arugh ghan atuman lạgba ọlo eghun phọ ạbidi rꞌeḍeenaan ẹlo ọto phọ ạbidi. Bịdi orughogh ghan osoman Ogbogo phọ, oomo ịigaany phọ.3-9 “Ẹpe erumuḍio phọ remite ghan bọ, bụphe rọdaph ghan lạgba eghun phọ aJuda, bụo ẹkpigh rꞌẹkpigh, bụo ọto rꞌopolo, bụo ạrumhu phọ rꞌoomo ạbuo ẹgham mọ ạbidi:
| Eghun | Uw-ẹmhu | |
| Juda | Nason ọony phọ Ạminadab | 74,600 |
| Ịsaka | Nẹtanel ọony phọ aZuar | 54,400 |
| Zẹbiulon | Eliab ọony phọ aHelon | 57,400 |
| Ogbi ọman | 186,400 |
“Awe ạriikpigh phọ aJuda kụ ạbudi koḍiemiom ghan ọghi erelhe phọ.
10-16 “Ẹpe ạḍighaagh esoorom mọ, bụphe rọdaph ghan lạgba eghun phọ aRuben, bụo ẹkpigh rꞌẹkpigh, bụo ọto rꞌopolo, bụo ạrumhu phọ rꞌoomo ạbuo ẹgham mọ ạbidi:
| Eghun | Uw-ẹmhu | |
| Ruben | Elizur ọony aSedeur | 46,500 |
| Sịmion | Sẹlumiel ọony phọ aZurisadai | 59,300 |
| Gạd | Eliasaf ọony phọ ạDeyel | 45,650 |
| Ogbi ọman | 151,450 |
“Awe ạriikpigh phọ aRuben kụ ạbudi kotum ghan sịphe erelhe phọ.
17 “Amarugh mụphe kꞌạbuo aLivai kạtol ogbo ạmuphe ịḅel ịyal ạriikpigh phọ rꞌạmuphe ịyal ạriikpigh phọ kotumeriom bọ. Tụugh ịdipho bịdi orughogh bọ, ịdipho kụ ịdi bịdi komiigh bọ erelhe. Awe eghun phọ aLivai kụ ạbudi kotool ghan Ogbogo phọ.
18-24 “Ẹpe erumuḍio phọ remeel ghan bọ, bụphe rọdaph ghan lạgba eghun phọ Ifraim, bụo ẹkpigh rꞌẹkpigh, bụo ọto rꞌopolo, bụo ạrumhu phọ rꞌoomo ạbuo ẹgham mọ ạbidi:
| Eghun | Uw-ẹmhu | |
| Ifraim | Elisama ọony phọ Amihud | 40,500 |
| Mạnase | Gạmaliel ọony phọ aPedazur | 32,200 |
| Bẹnjamin | Abidan ọony phọ aGidioni | 35,400 |
| Ogbi ọman | 108,100 |
“Awe ạriikpigh phọ Ifraim kụ ạbudi kụ komuneniom ghan ịraar.
25-31 “Ẹpe ạḍighaagh ephunom mọ, bụphe rọdaph ghan lạgba eghun phọ ạDan, bụo ẹkpigh rꞌẹkpigh, bụo ọto rꞌopolo, bụo ạrumhu phọ rꞌoomo ạbuo ẹgham mọ ạbidi:
| Eghun | Uw-ẹmhu | |
| Dạn | Ahiezer ọony phọ Amisadai | 62,700 |
| Ạser | Pạgiel ọony phọ Ọkran | 41,500 |
| Nạftalai | Ahira ọony phọ Enan | 53,400 |
| Ogbi ọman | 157,600 |
“Awe ạriikpigh phọ ạDan kụ ạbudi kosugha ghan ọman ọghi erelhe phọ.”
32 Oomo awe phọ Ịzirel, bụphe ogbi bọ sịphe aḍita arughunughun phọ, bụo ẹkpigh rꞌẹkpigh, bụo ọto rꞌopolo, ụman 603,550 awe. 33 Ụ́ḅaram eghun phọ aLivai úgbiom aani sịphe awe phọ Ịzirel, ịdipho Ọmoogh-we phọ ạto bọ ạḅeni Mozis.
34 Awe phọ Ịzirel ọtuugh ịpe Ọmoogh-we phọ ạto bọ ạḅeni Mozis kụ oḍighi ghan. Oye oye ạtuugh ghan arughogh atuman lạgba ọlo eghun phọ ạbidi. Bịdi oḅetenu erelhe eghun etum eghun, ọdaph ropolo ạburude phọ ạbidi.