10
Vo'otic ti jchi'il jbatic ta xch'unel li sc'op Rioxe, ja' ta jc'an ti chcuxiic ta sbatel osil li jchi'iltac ta israelale. Scotol c'ac'al ta jc'oponbeic Riox yo' ti xcuxiic o ta sbatel osil uque. 2 Ti yalojique, sjunul yo'onic yich'ojic ta muc' ti Rioxe pero ma'uc yech ta ich'el ta muc'. 3 Yu'un mu sc'an xa'iic ti c'usi ch'abal o jmultic chiyilotic ti Rioxe. Ti yalojique, persa oy c'usi tspasic yo' ch'abal o smul ch-ileic yu'un ti Rioxe. Mu xch'unic ti yaloj ti Rioxe ti ja' ch'abal o jmultic chiyilotic mi chquich'tic ta muc' ti Cristoe. 4 Ti much'utic ta xch'unic ti ja' istoj jmultic ti Cristoe, ch'abal xa smul ch-ileic yu'un ti Rioxe. Ja' chvinaj o ti ma'uc chicuxiotic o ta sbatel osil li smantaltac Rioxe.5 Ti much'utic chalic ti ch'abal o smul ch-ileic yu'un Riox li mantaletique, ja'to ti mi ixch'unic scotole chac c'u cha'al sts'ibaoj comel ti Moisese, ch'abal smul bi'a. 6-7 Ti ch'abal xa jmultic chiyilotic Riox li vo'otique, ja' ti jch'unojtic xa ti ja' istoj jmultic ti Cristoe. Mu jnoptic chac li'i: “¿Much'u ta xyal tal ta vinajel ti chtal stoj jmultique? ¿Much'u ta xcha'cuxi ti chtal stoj jmultique?” mu xichiotic. Yu'un i'ay xa chamuc ta scoj jmultic ti Cristoe, pero icha'cuxi. 8 Li c'usi xa no'ox tsc'ane, ja' mi jch'unojtique, xchi'uc mi jamal chcaltic ti jch'unojtique. Ja' yech smelol li c'usi chcalticotic a'yuque. 9 Mi jamal chcaltic ti ja' cajvaltic ti Jesuse, mi jch'unojtic ti icha'cuxesat yu'un ti Rioxe, chicuxiotic ta sbatel osil. 10 Lavi jch'unojtique, ch'abal xa jmultic chiyilotic ti Rioxe. Ja' no'ox yech jamal chcaltic ti ja' cajvaltic ti Jesuse, chicuxiotic o ta sbatel osil.
11 Ja' yech ts'ibabil ta sc'op Riox chac li'i: “Ti much'utic chich'ic ta muc' li much'u jt'ujoje, mu x'aq'ueic ta q'uexlal yu'un mu lo'loeluc xch'unojic”, xi ti Rioxe, xi ts'ibabil. 12 Muc ta alel mi jurio, mi ma'uc, jun no'ox ti cajvaltique, ja' ti Rioxe. Scotol ti much'utic chc'oponone ti ch-ich'on ta muq'ue, chac' cuxlicuc ta sbatel osil. 13 Yu'un ts'ibabil onox ta sc'op Riox chac li'i: “Scotol ti much'utic tsc'oponic ti Cajvaltique ti chich'ic ta muq'ue, chcuxiic ta sbatel osil”, xi ts'ibabil. 14 Pero ¿c'u ma xi tsc'oponic mi mu xch'unic ti ja' cajvaltic ti Jesuse? ¿C'u ma xi ta xch'unic mi muc bu xa'iique? ¿C'u ma xi cha'iic mi muc much'u x'albon ya'iique? 15 Ja'to onox mi oy much'u itaque ech'el ta yalel a'yuc yu'un ti Rioxe. Ja' yech ts'ibabil ta sc'op Riox chac li'i: “Toj lec ti tal yalbelotic ti ja' chac' jcuxlejaltic ta sbatel osil ti Cajvaltique”, xi ts'ibabil.
16 Pero mu scotoluc jchi'iltactic ta xch'unic ti ja' chac' jcuxlejaltic ta sbatel osil ti Cajvaltic Jesuse. Ja' chac c'u cha'al iyal ti Isaías ti ta vo'nee: “Cajval, mu epuc ti much'u tsc'an chch'un lac'op ti chcalticotic a'yuque”, xi. 17 Yo' ti xch'unic oe, tsc'anic albel c'usi yaloj ti Cristoe.
18 Li jchi'iltactique ya'yojic onox. Ja' yech ts'ibabil ta sc'op Riox chac li'i:
Ta xvinaj ta sjunlej balamil li c'usi caloje.
Cha'i scotol crixchanoetic,
Chlic jc'uxubin ti jaylajuntos ma'uc achi'ilique ti muc bu jt'ujoj chavalique,
yech'o un chlic yac' sc'ac'al yo'onic ti amomique.
Chlic capicuc o ti ja' xa ijc'uxubinbe smomtac ti much'utic mu xiyich'ic ta muc' lavie,
xi ti Rioxe, xi onox ti Moisese. 20 Ti Isaíase muc bu ixi' ta yalel ti c'usi i'albat yu'un ti Rioxe:
Ti much'utic muc bu snopoj chiyich'ic ta muq'ue, ja' chiyich'ic ta muc'.
Yu'un cha'iic ti jc'anojique,