2 Kolin
Pâlaŋ Kolin dapmelaŋge ekŋengat zapat meluwaŋ sekŋen ewe kumindaye
Zapat meluwaŋ kapi Pâlaŋnegak kuye. Kan keyet Kolin dapmelaŋge ekŋengat tuŋguwinangatnaŋ an notnaŋaŋ Pâlmak atindândâ msâgât set notnaŋ aikti egat keŋaŋ walalatgalen zet notnaŋ kapigok zewien: Pâlaŋ Kawawaŋgalen zet timti zempalakŋaŋ bembe an gwalak dâsuki manzein enenogat egaŋ eweŋan Zisasimak ku maŋge. Tuŋgupmanen piwandesetgatnan koti zet kileŋ tazemulaloŋ mezin. Zet notnaŋ ikŋaŋgat mulupmaŋ mamneset bemzemti keyet zetnaŋ omba penaŋ zapat meluwaŋ kapiyet kumindaye. Pâlaŋ dapmelaŋge ekŋenaŋ milawat notnaŋ akumbewien ke ondekbeme delaŋ zeme timti kokogat an zut ombemideme met indamukulem mindeme bukŋen ombanik akumbemtiŋgut timti kot am Zuda msalen meuyet kambeŋ tapbien ekŋen indamukulem mimiyet zemgwatnaŋ zet notnaŋ diindoye. Egaŋ ekŋenmagen ewe gilik zemet indikdigat nâmti zapat meluwaŋ kapi kuye.
Zet ŋotekŋaŋ temaŋ kapigogaŋ 2 Kolin kapiyet keŋaŋ talip:
1:1-11 Zet yaŋbemti zenzeyelen zet.
1:12–7:16 Pâlaŋ Kolin dapmelaŋge ekŋenmak zet weyeyaŋgalen notnaŋ zenzeŋaŋ.
8:1–9:15 Zuda amgat milawat om aku aku mulup mimiyelengat zemgwatnaŋ zet notnaŋ zeye.
10:1–13:10 Pâlaŋ ikŋaŋgat mulupmaŋgat yaŋaŋ bandim mti zet zenzeŋaŋ.
13:11-13 Zet zemdelaŋ zenzeyelen zet.