Revelesen Tokat Ou Ravohopanezañiz ñetï kapot ev. Met Iesuz mañairooh-abanari 12 porihanañ Zon pop Iesuz ñetiv añarabon mañovai soohavoz, aban nari kaev ravat pi iv havevoz lopotak ham tit nataz abatao Patmos hameg-potak pi basat kakam zeimakeh memerizah. Met Zon poek hehan, Godiz Pul Tinap potazao bavatat tokat berevohopanezañ ahoam mañairoohan pi eteoh. Tat pim eteoh-poñ menahan hezaek rekö hameg. Met dari ñetï epov rekö hamegipuh mapoñ hodad narav hez batah, oñ kap epat ou ravamahan hodad haravameg. Met Iesu Setenir horï modari ritou hametat hepanen paru ñodat pohao horï ravapan. Tapanen tairari Iesuz homeo badae batat rez kek tat tovai sohopanez pori tinaek meñepanen hepan, oñ paru añarab horï tamahari hañiv metohopanen kakamao hatevetehopanez kap pot ba ou batat mañairah.

Met Zon tapup Zon, 1 Zon, 2 Zon, 3 Zon ñetï poñ amun menah.

Met Iesu abarah maot helat hasahan krismasañ 65-iz zut bon tahan Zon ñetï epov menah.