Pilemon ñetï epovoz ñetï kapot ev. Met Pilemon aban pop Kolosi zei ahotak pi monï ahosinañ hehap Iesuz homeo badae batahan añarab mod Iesuz homet hehari pim zeimakeh topourat daasir mañeo haoh.

Met Pilemon batam heh-porah añarab narihö añarab mod nari zum toohapuh parum gogotak meñehan gogot tovai emooohaek, gog nap pimauz zaitivok kilam barezat sat iz ravooh, povoz aban pimaz korav ravat hehap mel tovai sat bar batat rekot kakamao metooh, ma ur ñomah.

Met Onesimas pop Pilemon pim zum tat gogovok meñehan hehaek, betet barezat hotoh sat Pol bavizat parup hehaek, Pol pi kakam zeimakeh hehaekanañ Onesimas maot meepanez tahapuh ganö Pilemon popuhaz maot sapanen pi bat kakamao metapan hezavoz ñetï epov menat manahan pimau tep poe basah.

Met Iesu abarah maot sahan krismasañ 30-z zut bon tahan Pol ñetï epov menah.