Pọlu nọ l'ụgbo mini eje Romu
27
Ọ bya ebe nteke a chị-geeru iya,
ọ wụko l'anyi l'a-nọ l'ụgbo eje Ị́tali,
whẹ bya eduta Pọlu mẹe ndu mkpọro ọdo ye l'ẹka Júliyọsu,
bụ onye ishi ojọgu,
l'achị ndu ojọgu ụkporo ise.
Ọo ya bụ onye ishi Ọgbo ojọgu Ọgósutosu.
2 Anyi tụko wụba l'ụgbo-mini,
whẹrewhere l'apa,
shi Adaramítiyọmu,
l'abya ooje l'ọdu-ụgbo,
dụ-gee l'agụga alị Éshiya.
O nwekwaruwho nwoke Masedóniya,
ẹwha iya bụ Arisutákọsu,
a nwụru lẹ Tesalonáyika,
anyi l'iya lị;
tụko nọdu l'ụgbo ono tụgbua.
The Shipwreck (Ozhi ndu ishi-ozhi 27:1–28:10)
3 O be echile iya,
anyi rwua Sáyịdonu.
E rwua ẹka ono,
Júliyọsu meeru Pọlu odoo,
kweta haa ya t'o je ekelekota ndu ọnya iya whẹ tẹ whẹ nụ-gee ya nwiwhe,
bụ mkpa iya.
4 Anyi shikwa l'ẹka ono tụgbua ọdo.
Whẹrewhere shi l'ụzo ẹka anyi cheberu iwhu ewhe abya anyi l'ẹhu.
Ọ bụwaru iya rọo meru,
anyi tụgbuwaruro ụzo ẹnyanwu-awata,
tsoru agụga agụga Sáyipurọsu,
bụ ibiya ọwhu whẹrewhere l'ete ewhe.
5 Whẹrewhere ngata ụgbo ono,
anyi nọ,
ghabua mini ono l'agụga Silísiya mẹe Pamfíliya bata l'agụga Máyira,
bụ mkpụkpu,
dụ l'alị Lísiya.
6 E rwua ẹka ono,
onye ishi ojọgu ono,
l'achị ndu ojọgu ụkporo ise whụa ụgbo-mini,
whẹrewhere l'apa,
shi Aleguzándiriya.
Ẹka ụgbo ono l'abya ejeje bụ Ị́tali.
Ọ chịru anyi ye iya.
7 Anyi gubelewho ẹhu anga iya lẹ nwidzudzu ono,
mbụ ọ kwatazhiada tsụa l'ẹhu tẹmenu anyi ngarwua ụgbo ono mgboro Náyidọsu.
Whẹrewhere te ekwehenu t'anyi shia ono.
Anyi bya egbujia ụgbo ono,
shia ụzo alị Kirítu;
whẹrewhere ngarụ anyi shikube Salumóni.
8 Anyi jenwua ẹhu g'anyi shiru agụga Salumóni.
Anyi bya akwata gbakpọru iwhe agbakpọ ye lẹ nka,
tẹmenu anyi rwua ẹka lanụ ọbu,
l'eekuje Ọdu-Ugbo-Ọma;
ẹka ono bẹ mkpụkpu,
l'eekuje Lasíya dụwaa ntse.
9 Anyi je anọ-swee oge l'ẹka ono,
nọta jeye nteke ije-ụgbo l'atsụje l'ẹhu,
nọghatakwawho nteke ndu Ízurẹlu l'emeje omelalị ọoswi ẹgu.
Pọlu nmaarụ ndu l'anga ụgbo ono mẹe ndu ojọgu whọ ọkwa sụ:
10 “Ndu-nwe-mu-nu,
iwhe mu whụru bụ l'ije-ụgbo anyi-a bẹ l'ee-bekochaa dụ ẹji shii.
Ọ tọ bụlekwaa l'ivu,
dụ l'ụgbo-ọ mẹe ụgbo l'onwiya l'a-la l'iyi,
anyi l'a-lọkwawho ishi anyi alọ.”
11 Ọ bụru iwhe onye ishi ụgbo ono kfuru mẹe ọwhu o kfuru mbụ onye nwe ụgbo bẹ onye ishi ojọgu ono,
l'achị ndu ojọgu ụkporo ise ngabẹru nchị.
Tọ kwatarọ tuzhia ẹwa lẹ nke Pọlu.
12 Eshi-ọwhu Ọdu-Ụgbo ono l'ẹte adụa l'ẹgube ẹka l'aa-nọdu nteke oyi l'anọje atsụ,
ono bẹ ọnu ka awụko sụ t'a tụgbua lụfu l'ẹka ono t'a maadaarụ,
?anyi l'a-dụ ike ngarwua Fínikusu.
Fínikusu bụ ọdu-ụgbo,
dụ lẹ Kirítu.
Ẹka,
l'eeshije abahụ l'ọdu-ụgbo ono dụ ẹbo.
E -chebe iwhu l'ụzo ẹnyanwu-arịba bẹ nnanụ gharụ iwhu gẹ l'ee-je ala ụzo ẹka-ụtara;
ọwhu ghaa iwhu gẹ l'ee-je ala l'ụzo ẹka-ịcha.
Ọ bụru ẹka ono bẹ whẹ l'a-nọdukota nteke ono,
oyi l'anọje atsụ.
Oke whẹrewhere byakfutaru Pọlu whẹ l'echi eze-ẹnyimu
13 Whẹrewhere shi l'ụzo ọhuda wata anọ ewhe nwa ẹreswe ẹreswe,
whẹ l'aarịnu lẹ whẹ l'a-dụa ike mekota iwhe whẹ tụberu.
Whẹ bya alọ-lita mgbọro-igwe,
a gọru agọ,
l'eegudeje lọ-de ụgbo lẹ mini,
whẹ lọbata iya l'ụgbo wata ọnga ụgbo ono lẹ mgboro mgboro Kirítu.
14 A nọlewho nwanshị,
oke whẹrewhere shi l'ụzo isheli mini ono vọru kfurukfuru byakfutashia whẹ lẹ mini ono.
15 Ọ bya azụkotalekwawho ụgbo ono tụgbua;
to kwehe tụgbua ụzo iya onona,
whẹrewhere shi abya.
Anyi ta amahẹ g'anyi l'e-me iya.
Anyi haa whẹrewhere ono,
l'ọopa-whelewho anyi eshi ẹka dụ iya mma.
16 Anyi ghatadẹlewho lẹ mgboro nwa alị ọbu,
l'eekuje Káwuda,
dụ l'echi mini ono,
whẹrewhere ono te ewheshihe ike g'o shihawa ewhe.
Anyi kebeeda ẹhu ekebe,
tẹmenu anyi dụ ike kpụbata nwụgbo nke nshịi,
l'eelibeje l'eze ụgbo,
ye l'eze iya ono.
17 A kpụbata-gelewho nwụgbo ono,
l'eegudeje agụfuta madzụ,
ye l'ụgbo whẹrewhere ono,
whẹ bya egude eri kee ụgbo anyi ono mgburumgburu,
kee ya gbagbadị nggẹ o shihu ike.
Whẹ tsụlahaa egvu sụ lẹ whẹ ta amadụ:
?ụgbo ono te ejedunu je elia lẹ nvẹja,
dụ l'agụga mini lẹ Libyiya.
Whẹ lọ-zeta ẹkwa ono,
l'emeje tẹ whẹrewhere ngagbụru ụgbo,
whẹrewhere tọ nwẹhu nteke ono apa ụgbo ono.
18 Oke whẹrewhere ono l'ewhekwawho l'ike l'ike gẹ l'oowhe;
enwunga anyi nke ọwhu ndu nọ l'ụgbo ono watarụ ọchishi ivu,
dụ l'ụgbo,
achị eye lẹ mini g'o beru echile iya.
19 O bekwa echile iya ọdo,
whẹ gude ẹka whẹ l'onwowhe mịshichaa iwhe e gude mee ụgbo ono,
chịru ye lẹ mini.
20 A nọkota idzudzu ono,
anyi ta awhụjeru ẹnyanwu ẹnya,
anyi ta awhụ kpokponde.
Oke whẹrewhere ono te ejezhia ọtu mgboro ilile.
Anyi swefukotawaro ẹnya lẹ ndzụ.
21 Whẹ bya akwata nọo mebyi ọdu,
tọ dụ onye ọwhu riru nri lẹge whẹ ha.
Ọo ya bụ,
Pọlu gbashi,
jekfu whẹ je asụ whẹ:
“Ndu nke mu,
nggẹ l'ọo iwhe l'unu kweru nkemu nọshia lẹ Kirítu mẹ anyi te etuwhashikwa iwhe lile-e,
e tuwhashiru-a;
mẹ iwhe-e,
mebyishihuru-a te emebyishihu.
22 Ntaa bẹ mu l'aryọ unu sụ t'obu shihu unu ike.
Ọ tọ dụkwa t'ọ ka mma l'ọo onye lanụ bya l'etuwha ndzụ iya.
Ọlekwawho ụgbo bẹ l'a-la l'iyi.
23 L'ẹnyashi chi satarụ bụru ntanụ bẹ ojozhi-imigwe,
shi l'ẹka Chileke,
mbụ Chileke ono,
bụ iya nwe mụbe Pọlu;
tẹhenu ọ bụru iya bẹ mu l'ejeru ozhi byakfutaru mu,
24 bya asụ mu:
‘Pọlu,
ba atsụshi egvu,
i jefutaje je akfụru l'iwhu Siza,
bụ ishi ọ-chị-ọha Romu.
Iwhe ọdo bụ lẹ Chileke l'e-kwobekwawho iswi ẹhu ghu dzọo iwhe bụ ndu lile,
gụ lẹ whẹ nọ l'ụgbo-ọ.’
25 Ọo ya bụ,
ndu mu,
t'obu shihu unu ike nkele mu gude ẹka lẹ Chileke l'e-mekota iwhe lile lẹge o kfuru mu iya.
26 Ọle o nweru nwalị,
ẹnyimu gbawhere mgburumgburu,
ụgbo-ọ l'a-parụ anyi je awụshi.”
27 O be l'ẹnyashi nke mbọku,
meru iya abalị iri l'ẹno,
whẹrewhere ono l'apakwadụa anyi atụgburu ụzo mini Mediteréniyanu.
O rwudelewho l'echi-abalị,
ndu ụgbo sụ l'ọ dụkwa g'alị dụwaa anyi ntse.
28 A bya ewota nwiwhe,
l'anyi ẹrwa libe l'eri,
bya echee ya lẹ mini ono;
a tụa ya,
ogvurogvu mini ono halẹwho g'ọo nhẹka ụkporo.
A nọnyakwaa,
a bya atụa ya ọdo,
ọ bụru nhẹka iri l'ise.
29 Whẹ tsụlahaa egvu l'ụgbo anyi ono l'e-je avụ onwiya l'eze ẹwhuru rikashihu.
Whẹ bya amịfu mgbọro-igwe-agọgo ẹno,
dụ l'azụ ụgbo ono,
gude eri tuzetagee ya,
ọ bahụ l'ọhu mini je emee ụgbo ono,
o keshita l'ẹka lanụ.
Whẹ nọdu aryọ byiko tẹ chi sahụro.
30 Ndu ono,
l'anga ụgbo ono melahaa tẹ whẹ haa ụgbo ono,
gbalaa.
Whẹ bya apazeta ụgbo nke nshịi whọ,
dẹe lẹ mini.
Whẹ mee nno t'e dobe sụ lẹ whẹ l'e-je eshia iwhu ụgbo ono yee mgbọro-igwe-agọgo lẹ mini.
31 Pọlu sụ onye ishi ojọgu ono mẹe ndu ojọgu ono lẹ ndu ụgbo-ọ -lụfuakwaa bẹ unu l'ẹte alwakwa l'ije-e.
32 Ọo ya bụ,
ndu ojọgu ono bya ebyibufu eri nwụgbo nshịi ono,
mini pata iya tụgbua.
33 Chi sahụdelewho,
Pọlu ryọlahaa whẹ tẹ whẹ kabẹro ria nri,
sụ whẹ:
“Ntaa bẹ unu nọwaru abalị iri l'ẹno,
tọ dụ iwhe unu meru l'ọnu.
34 Byiko,
unu riaro nri nggẹ ike dụ unu nkele ọ tọ dụdu t'ọ ka mma l'ọo ẹgbushi,
dụ unu l'ishi,
bya l'e-tuwhahu.”
35 O kfugee nno;
bya ewota buredi kelegee Chileke ekele l'iwhu whẹ gẹ whẹ ha;
ọ bya alabashịa ya wata atata.
36 Obu bya eshihu whẹ ike.
Whẹ tụko gẹ whẹ ha rikotakwawho nri.
37 Iwhe anyi dụ l'ụgbo ono bụ ụkporo madzụ ugbo iri l'ẹto l'ụmadzu iri l'ishii.
38 Onyenọnu rijishia ẹwho,
a patagee witi,
e vu l'ụgbo ono chịru ye lẹ mini nggẹ ụgbo ono dụ wherekpongu.
Ụgbo-mini-whẹrewhere tsukposhihuru
39 Chi sahụlewho,
ndu ụgbo ono ta amahezhia mgboko ẹka whẹ nọ anọ,
ọlewho lẹ whẹ whụru l'alị zawaru whẹ ntse.
Whẹ whụa ẹka mini nwubaru enwuba,
whụa l'ẹka ono bẹ alị dụ barịkiti l'agụga mini ono.
Whẹ sụ tẹ whẹ maadarụ:
?whẹ l'a-dụ ike mee t'ụgbo ono je anmaa lẹ nvẹja l'agụga mini ono.
40 Whẹ gbubushia eri,
segudegee mgbọro-igwe-agọgo ono hakọta iya lẹ mini,
tọshia ụdo,
e gude kegbabegee eku-ụgbo,
l'eegudeje agọ-zhi ụgbo ono nteke onowho.
Whẹ bya apalia ẹkwa,
dụ l'eli oshi,
shi dụ l'iwhu ụgbo nke ọwhu whẹrewhere l'a-wata ọpanga ụgbo ono.
Whẹ l'agọ-zhi iya,
l'ọla l'ẹka ono,
mini nwuru enwu.
41 Ọle ụgbo ono gbabaru lẹ nvẹja,
dụ l'ime mini ono,
ishi ụgbo whẹ liru lẹ nvẹja ono nke ọwhu ụgbo ono nmarụ l'ẹka ono.
Oke akpara-mini tsukashia azụ ụgbo ono nwịrinwiri.
42 Ndu ojọgu ono rịlahaa tẹ whẹ gbushia ndu mkpọro ono nggẹ tọ dụ onye ọwhu l'e-gvufu,
gbalaa.
43 Ọle onye ishi ndu ojọgu ono l'eme tẹ ya dzọo Pọlu.
Ọ sụ t'ọ bọ dụkwa onye ọwhu whẹ l'e-gbu.
Ọ sụ t'iwhe bụ ndu marụ ogvu mini tẹ whẹ kfụfu,
vuru ụzo gvufu eli-mgboko,
44 tẹ ndu ọwhu gudegee ẹka l'akpakara ụgbo ono mẹe l'ibiribe oshi ụgbo ono gude iya gvufu.
Ọ bụru nno bụ g'anyi gude gvufukota eli-mgboko,
tọ dụ g'anyi ha onye ọwhu iwhe mekaru.