Rạmha phọ Ar rꞌaKir kopiemi ḍiniin aḍughul, bịn ẹḍogh ạMoab kọ́naghan mun. 2 Awe phọ aDibon ọkiighi otu ịiḅereghi ạbidi ọrol ịpa ẹphan phọ omoghi, kụ ạMoab omoghinaan rạmha aNebo rꞌaMedeba; oomo ạrumhu mẹḅaalogh rꞌịleem okula yogh rꞌamukum ologhi. 3 Aweye aroḅodo phọ oonmenan iinmenan ọto; sịphe igbogh arurugh ạramha phọ rꞌạnyu aruutu phọ awe odimom ọto rꞌemoghi. 4 Awe phọ aHesbon rꞌEliale omoghi ọlooghi dị emoghi phọ ạbidi kọnaghan ni kꞌẹpe Jahaz. Ghạlamo ạbuo ẹgham mọ bịn rookpeka ni; ạkpo ologhi ạbidi mạḍua. 5 Ologhi ạmi ramoghinaan ni Mọab! Awe phọ mosumughu ọki ẹmha phọ aZoar, rꞌẹpe Eglat Selisiya. Buniin ọpam rꞌemoghi onyeeniom eten aLuhit, romoghi ịduon bịdi rọki bọ; buniin osuma rọki Horonaim, rꞌọto rꞌịlooghi. 6 Ọodu phọ aNimrim mamooph, ạroogho phọ manyororo ạkaraghar sịphe iigbom mọ, kụ ịyaar dị eemanam ísugha mun. 7 Awe phọ mọḅeeny Eḍiiny Ireeny ọgbal ạmuum, rọkparagha ghan osumanam oomo adool ạbidi. 8 Ẹḍogh emoghi bịn kụ edi rọnaghan ghan oomo ạruuku ade phọ ạMoab. Rọnaghan kẹn ni ẹpe rạmha phọ Eglaim rꞌaBeer Ẹlim. 9 Ẹpe ẹmha phọ aDibon ọphiiny phọ ạtoghom ịḅaal, kụ ịdi Ẹnaan eseere emitenaan ạbidi ebeeph epu. Agey ni, kozu ni ịḅaal ạtorobo oye lọ asugha sịphe Mọab.