Ạḍuor oghueniom aJeruselem
87
Ọmoogh-we phọ aphighi ẹmha ọdi sịphe eegbolom iigbia phọ.2 Sịphe Ịzirel, ẹmha dị ọdi ạphomoghian
dị eeleeny Jeruselem ílho.
3 Nạghan, ẹmha Ẹnaan,
ịikia ịma ạraraar phọ ọdi rạkaaph bọ ịlo ạna.
4 “Mị kạloghom Ijipt rꞌạBabilonia
mem dị mị rạge reelhe dị ụnaghanan ịmi.
Sịphe ogbo awe dị odi Jeruselem,
mị kagbi we phọ aFilistia rꞌaTaya rꞌạSudan.”
5 Kọḅem ịlo ạZayon
mọ bụo oomo areelhe odi sịphe,
kụ Ọkaraghi Egbogh Ẹnaan phọ kẹkparami ni bịdi.
6 Ọmoogh-we phọ kạgeeghi reelhe phọ
kụ ạloghom oomo ạbidi mọ awe aJeruselem.
7 Bịdi ọker ịḅa, ọmoor sụor mọ,
“Sịphe Zạyon kụ ẹdi oomo ạḍiseph edi ghan.”