Ẹnaan ọkar ogbogh oye ịtooghi
82
Ẹnaan kụ uwo ẹmhu ạgada ookpomoghan kꞌạke;ọdi rạkaaph ghan ịpe ologhi phọ ọdi ogbo ạrumugh phọ.
2 “Isophe oogbo ghan ịkaraph ịiruen;
kéḍighan ghan mun ọkaraph oye phọ.
3 Isophonaan igey ịiruen rukulom rꞌạbunyigo;
Ịmaar ẹpham bụphe ẹkparam bọ rꞌạbulo ụ́moogh ọloghonaan ạḍighaagh.
4 Iḍighi ịdi bụphe ẹkparam bọ rꞌarukulom mọ kokpetenaan.
Ịtophoron bịdi rạghaagh ịnyaam ạbukaraph awe.
5 “Nyina edi ni élegheri. Nyina ighiil awe.
Nyina ẹpu ni bịn ẹbugh,
ḅịle igey ịiruen mephe aḅirini phọ.
6 *‘Nyina ạrumugh,’ mị ạḅem mọ
‘oomo anyina ạnmuny Ọkaraghi Ogbogh phọ.’
7 Kụ ọlo nyina kemugh ịdipho awe;
aghuḍum anyina kakureri ịdipho ạkuo ạtorobo ọkpana ọdaam.”
8 Ḅetenu, Ẹnaan, ạda aḅirini phọ;
oomo areelhe phọ ịlo ạna.