Ạḍuor ọsephom Ẹnaan
67
Ẹnaan, ụnma iyoor ighirigiir kụ ụseph iyoor;uphoghom iyoor ekpeḍien ọnma ighirigiir,
2 ẹrol dị oomo aḅirini phọ olegheri igbiighi phọ ạna;
ẹrol dị oomo areelhe olegheri pẹleeny phọ ạna.
3 Awe phọ oboom nyịna, Ẹnaan;
oomo awe oboom nyịna!
4 Areelhe phọ ọmoogh ọḅaal ologhi kụ ọmoor sụor iboh,
loor esi dị nạ asophonaan we phọ iiḅi ịiruen,
ạḅile ạaḅaki tọrobo eelhe sịen ade phọ.
5 Awe phọ oboom nyịna, Ẹnaan;
oomo awe oboom nyịna!
6 Ade phọ memitiom eḍien ibugha;
Ẹnaan, Ẹnaan ayira, mụseph iyira.
7 Ẹnaan mụseph iyira;
oomo awe tọrobo ekpisi ọngo nyọdi eghuan!