Ịiḅereghi oye dị odi iiruen
43
Ẹnaan, soph ịiruen ugheelemi ịmi ạḅile ụgbaanaan ịmi,esi awe phọ ạbuen Ẹnaan úlegheri bọ;
ụphel ịmi esi ạbugbaam ọkpe phọ rꞌesi awe iigbegheḍiom mọ.
2 Nạ Ẹnaan phọ kụ ịnyaam ạmi.
Iḍighi ika kụ nạ umutonaan bọ ịmi ịduon?
Mị odimom ghan rꞌọto
loor ịgbiphoghom ạbumulogh-ḍien phọ ạmi.
3 Mitiom ḍịḅaal phọ ạna rꞌigey phọ ạna,
bịdi uḍiemiom ịmi urelhiom ịmi osiemi
ẹpe eegbolom iigbia phọ ạna rꞌẹpe Otu phọ ạna.
4 Kụ mị aḍigh otu Ẹnaan phọ ụngo bọ ịmi ọḅaal ologhi phọ,
ạki asi enmeny ịyaar aghuḍum mọ.
Ḅịle mị kati ọne kụ ạmoor aboom nyịna,
Ẹnaan, Ẹnaan phọ ạmi.
5 Uwaloor ạmi,
eeghe kụ iḍighi kụ nạ akururu bọ ịduon phọ,
eeghe kụ rẹeḅaghami nyịna?
Mị aḍuom Ọmoogh-we phọ ologhi
kụ mị kạḅile kẹn ni aboom nyọdi ọpelia phọ ạmi rꞌẸnaan phọ ạmi.